रामेछाप ११ मङ्सिर । सोमबार देवकोटा चोकमा गोक्ते काजी रामचन्द्र अधिकारीले समाजको खैराँतेलाई माफी मगाएका छन् । १६ दिने लैङ्गिक हिंसाको अवसर पारेर मन्थली नगरपालिकाले आयोजना गरेको सडक नाटकका क्रममा परिवार र समाजमा कुरीति फैलाउँदै हिँड्ने दुर्व्यसन खैराँतेलाई गोक्तेले दर्शक दीर्घाको सामु माफी मगाएका हुन् ।
सडक नाटकमा रामचन्द्र अधिकारी,गोक्ते काजी,रवि डङ्गोल,बेइमान राजन चौलागाई खैराँते र स्वस्तिक लामिछानेले समाजमा छुवा छुतको अन्त्य सँगै महिला तथा वाल हिंसा र वाल विवाह तथा वाल वालिकाको अधिकार र सबै खालको हिंसाको अवस्था र त्यसको अन्त्य तथा शिक्षा,अनि कानुनी उपचार पद्धति तथा त्यसको अन्त्यका लागि परिवार र समाजका अगुवाहरूले निर्वाह गर्नु पर्ने भूमिकाका आदीका बारेमा पनि जानकारी गराएका थिए ।
सडक नाटकका कलाकार हरूले खुल्ला रूपमा गरेको प्रहसनले दर्शक दीर्घाले पनि ध्यान पूर्वक अवलोकन गरेका थिए । सडक नाटकका अवसरमा मन्थली नगपालीकाका प्रमुख लब श्रेष्ठ लगायत स्थानीयहरूको पनि ठुलो सङ्ख्यामा उपस्थिति रहेको थियो ।
यो बारेमा तपाईको प्रतिकृया