रामेछाप २३ मङ्सिर – रामेछाप (जेसीज) २०२४ को अध्यक्षमा सन्तोष खत्रीको नेतृत्वमा नयाँ समिति सर्व सम्मत रूपमा चयन भएको छ । शुक्रवार मन्थलीमा भएको बोर्डको १० औ साधारण सभा तथा नौ (९) औँ शाखा अधिवेशनले खत्रीको अध्यक्षमा निर्विरोध रूपमा नयाँ नेतृत्व चयन भएको हो ।
विधान अनुसार प्रत्येक वर्ष विधिवत् रूपबाट हुँदै आएको जेसिजको यो अधिवेशनले कार्यकारिणी उपाध्यक्षमा कुमार श्रेष्ठ र सङ्गीता श्रेष्ठ तथा कानुनी सल्लाहकारमा विमल पौडेल र महासचिवमा यादव केसीलाई जिम्मेवारी दिइएको छ । त्यसैगरि अधिवेशनले कोषाध्यक्षमा भरत श्रेष्ठ, सह–सचिवमा राजन कुमार कार्की, कोषाध्यक्षमा विनोद रोकालाई चयन गरेको छ ।
त्यसैगरि अधिवेशनबाट उपाध्यक्षमा मनीषा काफ्ले, सरल घिमिरे, ईश्वर अधिकारी र अमन बुढाथोकी सर्व सहमतिले निर्वाचित हुनु भएको छ । सो जिल्ला अधिवेशनमा जेसिजका राष्ट्रिय स्तरका जेसिजहरुको समेत सम्मानजनक रूपमा सहभागिता रहेको आयोजक संस्थाले जनाएको छ । अधिवेशन मन्थली नगरपालिका वडानं ४का वडाध्यक्ष राजन घिमिरेको प्रमुख आतिथ्य र जेसीजका कार्यकारिणी उपाध्यक्ष जीवन कार्कीको विशेष आतिथ्यमा सम्पन भएको नव निर्वाचित अध्यक्ष सन्तोष खत्रीले जानकारी दिनु भयो ।
यो बारेमा तपाईको प्रतिकृया