रामेछाप २४ मङ्सिर । रामेछाप नगरपालिका वडा नं ६ ओख्रेनीको होदिलको भिरखर्क सामुदायिक वनको भिरबाट लडेर पूर्व शिक्षकको ज्यान गएको छ ।
शनिवार दिउँसो नजिकैको जङ्गलमा बाख्रा चराउन गएका वर्ष ६१ का श्याम कुमार खड्काको भिरबाट लडेर ज्यान गएको प्रहरीले जनाएको हो । स्थानीय जन सक्रिय आधारभूत आवि. होदिलका पूर्व प्र. अ. समेत रहेका खड्काको भीरबाट लडेर घटना स्थलमानै मृत्यु भएको थियो ।
मृतकको शव गाउँलेहरूको सहयोगमा भिरबाट निकालेर जिल्ला अस्पताल रामेछापमा ल्याई पोस्टमार्टम गरी सब आफन्तलाई बुझाई सकिएको प्रहरी चौकी रामेछाप बजारका इन्चार्ज असई दिनेश प्रसाद चौँलागाईले जानकारी दिनुभयो ।
यो बारेमा तपाईको प्रतिकृया