रामेछाप २४ मङ्सिर । जिल्लाको नमुना खानेपानी उपभोक्ता समितिका रूपमा छुट्टै पहिचान बनाएको मन्थली नगरपालिका १ भैसेसुर खानेपानी जलउपभोक्ता तथा सर सफाइ समितिमा लोभलाग्दो एकता छ । समिति र उपभोक्ता बिचको एकताकै कारण उक्त उपभोक्ता समिति उत्कृष्ट काम गर्न पनि सफल भएको छ । कारण उक्त समिति आफ्नो सेवामा पनि अब्बल साबित भएको छ । समितिको समन्वयी ब्यवहार र काममा भएको पारदर्शी र उसको सक्रियताका कारण उपभोक्ताहरूले पनि समितिलाई जुनसुकै काममा जतिसुकै बेला पनि उत्साह पूर्वक सघाउँदै पनि आएका छन् । ।
स्थानीय तामाकोशि नदिवाट करिब २ किलोमिटर लामो दुरीबाट लिफ्ट गरेर स्थानीय उपभोक्ताहरूले प्रयोग गर्दे आएको पानीको मुहानमा आएको समस्याको पहिचान सँगै उक्त समस्या सुल्झाउन उक्त उपभोक्ता समितिका पदाधिकारी हरू र उपभोक्ता हरूले तीन रात सम्म नसुतेर पानी तान्न सफल भएको समितिका कोषाध्यक्ष सिताराम कार्कीले बताउनु भयो ।
समितिको पारदर्शी नेतृत्वको समन्वयी व्यवहारबाट उत्साहित उपभोक्ताहरूले सरकारी र अरू कसैको सहयोग विना तीन दिन तीन रात लगाएर खानेपानिको समस्या समाधान गरेका थिए । गत वर्ष पनि यहाँका उपभोक्ताहरूले मध्य दसैँमा पनि यस्तै खालको दुःख गरेर पानी खान सफल भएको पनि कोषाध्यक्ष कार्कीले बताउनु भयो ।
गत शुक्रवार खानेपानी तानिरहेको पम्प एकाएक बिग्रिएर पानी आउन छाडेपछि समितिले त्यसको सूचना तत्काल आफना उपभोक्ताहरुलाई गर्यो । समितिले गर्दे आएको राम्रो कामका आधारमा उसले गरेको आग्रहलाई मिनेटमा स्वीकार गरेका उपभोक्ताहरूले शुक्रवार रातभर लगाएर पानी तान्ने पम्पको समस्या पत्ता लगाएर उक्त पम्प बल्ल तल्ल वाहिर निकालेका थिए ।
तमाकोशि नदि देखि लिफ्ट गरी तानीएको पानी नआएपछिको खानेपानीको अभावलाई पुरा गर्नु समितिको दायित्व भएपनि शनिवार राति नै समितिका कोषाध्यक्ष सिताराम कार्कीको नेतृत्वमा उपभोक्ताहरूको एक टोलीले काठमाडौँ पुगेर पानी तान्ने पम्प र आवश्यक सामाग्री खरिद गरेर ल्याएको थियो । उपभोक्ताहरूले तीन दिन तीन रात खटेर समस्या समाधान गरेपछि आज आइतबार देखि उपभोक्ताहरूले नियमित रूपमा पानी खान पाएको अगुवा उपभोक्ता नारायण बस्नेतले बताउनु भयो । आफ्नै कार्यालयको भवन र करिब २ सय उपभोक्ता रहेको उक्त समिति मुद्धति खातामा मात्र ५० लाख रुपैयाँ बचत गर्न सफल भएको छ भने उसले न्युनतम १० हजार तीन सय लीटर पानी सम्म उपयोग गर्ने उपभोक्तालाई खानेपानी महसुल पनि निःशुल्क गरेको छ ।
मुहानमा देखिएको समस्याको पहिचान गरी तीन रात तीन दिन लगाएर युवा उपभोक्ताहरूले गरेको सहयोगका लागि समितिले सबै उपभोक्ताहरू प्रति हार्दिक आभार पनि प्रकट गरेको छ ।
यो बारेमा तपाईको प्रतिकृया