रामेछाप २९ मङ्सिर । मन्थली नगरपालिका वडा नं –८ चिसापानीका निर्मित वडा कार्यालय भवनको शुक्रवार उद्घाटन गरिएको छ । मन्थली नगरपालिका प्रमुख लव श्रेष्ठले एक औपचारिक कार्यक्रमका बिच भवनको उद्घाटन गर्नुभएको हो ।
कार्यक्रमका अवसरमा बोल्दै प्रमुख अतिथि समेत रहनु भएका नगरप्रमुख लव श्रेष्ठले मन्थली नगरपालिका भित्रको समृद्धिका लागि सबै पक्षको उत्तिकै सहयोग आवश्यक पर्ने बताउनु भयो । उहाँले त्यसका लागि चौथो वडा कार्यालयको भवनले उद्घाटन सँगै सेवा आरम्भ गरेकोमा आफूलाई खुसी लागेका बताउनु भयो । नगरका १४ मध्ये यो सँगै ४ वटा वडा कार्यालयले आफ्नो भवन पाएको भए पनि अरू १० वटा अहिले सम्म भाडाको घरमै रहेर कार्य सम्पादन गर्दे अएकोले अन्य वडाहरूमा पनि क्रमशः भवन बन्दै जाने विश्वास दिलाउनु भयो ।
भवनको निर्माण सँगै शिक्षा , कृषि र पर्यटनको विकासलाई नगरपालीकाले विकास र समृद्धिको आधारशिला भनेकोले यसमा सहयोग गर्न सबै नगरवासीहरूलाई आग्रह गर्नु भयो । उहाँले नगरको संवृद्धिका लागि आफूले सबैसँग हातेमालो गरेर अघि बढ्न चाहेको बताउनुभयो । उहाँले नगरपालिका विकास सँगै सुशासन प्रति पनि गम्भीर रहेकोले नगरको काममा ढिला सुस्ती र समस्या भएको पाइए आफूलाई भन्न पनि आग्रह गर्नु भयो । उहाँले नगरपालिकामा सङ्घीय र प्रदेश सरकार मार्फत सञ्चालित योजनाको काममा ढिलाइ भएको प्रति गुनासो गर्नु हुँदै ती योजनाका काम लाई जसिक्दो चाँडो काम सक्न पनि श्रेष्ठले सम्बन्धित कार्यालयको ध्यानाकर्षण गराउनुभयो । उहाँले नगरको विकासको काममा राजनीतिबाट माथि उठ्न पनि उहाँले सबैलाई आग्रह गर्नुभयो ।
भवन उद्घाटन कार्यक्रममा बोल्दै रामेछापकी प्रमुख जिल्ला अधिकारी अनिता निरौलाले अबको दिनमा सेवामा गुणस्तर ताको खोज गर्न आग्रह गर्नु भयो । व्यवस्थाको परिवर्तन सँगै भौतिक विकासमा मुलुकले ठुलो फड्को मारिसकेकोले सरकारी लगायतका सबै क्षेत्रलाई गुणस्तरीय सेवा लिन र दिनका लागि लागि पर्न आग्रह गर्नु भयो । नागरिक सचेत हुँदा मात्र सेवाको गुणस्तर सुधार हुने भएकोले आम नागरिकहरूलाई सचेत नागरिकको भूमिका निर्वाह गर्नका लागि पनि प्रजिअ निरौलाले आग्रह गर्नुभयो ।
कूल १ करोड ३५ लाख रुपैयाँको लागतमा बनेको दुई तले सो भवन निर्धारित समय भन्दा अगाडि नै निर्माण सकिएको छ । आउने असोज महिनासम्म निर्माणको समय भए पनि निर्धारित समय अघि काम सकिएको हो ।
कार्यक्रममा अध्यक्षको आसनबाट बोल्दै वडा नं ८ का वडाध्यक्ष गोपाल श्रेष्ठले नगरले आरम्भ गरेको सम्बृद्धिको यात्रालाई सफल पार्ने अभियान अन्तर्गतै वडा कार्यालयको भवन बनेको भन्दै त्यसका लागि नेपाल सरकार ,नगरपालिका र स्थानीय नागरिकहरूलाई समेत धन्यवाद दिनु भयो । सम्झौता मिति भन्दा १० महिना अघि नै निर्माण व्यवसायीले काम सकेको भन्दै उहाँलाई पनि धन्यवाद दिनु भयो ,उहाँले आफूले पदमा रहँदा सुशासनको लागि कुनै र कसैसँग पनि सम्झौता नगर्नै भन्दै वडाको विकासका लागि स्वच्छ र पारदर्शी हिसाबले काम गर्ने प्रतिबद्धता व्यक्त गर्नुभयो ।
आफ्नो भिजन र मिसन सकारात्मक र वडामैत्री रहेको कुरालाई नागरिकहरूलाई बुझिँदिन पनि उहाँले आग्रह गर्नुभयो । म स्थानीय नागरिक र राजनितक दलका साथीहरूलाई पनि वडाको विकास अभियानमा देखे भोगेका गल्ती कमजोरी भए हाका हाकी भनेर र सुझाव दिएर सहयोग गर्न पनि आग्रह गर्दछु ।
कूल १ करोड ३५ लाख रुपैयाँको लागतमा बनेको द.साँढे २ तले सो भवन निर्धारित समय भन्दा १० महिना अगाडि नै निर्माण सकिएको भन्दै वडाले निर्माण व्यवसायी मनु चौलागाईलाई कदर पत्रले सम्मान पनि गरेको थियो ।
कार्यक्रममा सघन शहरी विकास कार्यालयका प्रमुख,जिल्ला पत्रकार महासङ्घका अध्यक्ष बद्री नयाँघरे ,मन्थली ७ का वडा अध्यक्ष भुवनहरि प्रसाईँ स्थानीय राजनीति दलका नेताहरू नेकाका ओम पुरी र एमालेका भुवन कुमार श्रेष्ठ लगायतले पनि वडाको भवन निर्माणको कामले अध्यक्ष र वडावासीको शिर उँचो बनाएको भन्दै भवन पछि सुशासनको क्षेत्रमा ध्यान दिएर अघि बढ्नका लागि पनि वडा अध्यक्षलाई सुझाव दिनु भएको थियो ।
यो बारेमा तपाईको प्रतिकृया