रामेछाप २९ मङ्सिर । काठमाडौँ सृजनशील समाजको आयोजनमा शुक्रवार मन्थलीमा “ उद्यमशीलतामा शिक्षाको महत्त्व “ विषयक वक्तृत्वकला कार्यक्रम सम्पन्न गरेको छ । मन्थली मावि को संयोजनमा भएको उक्त कार्यक्रम ,१ न . वडाका अध्यक्ष होम प्रसाद पौडेलको प्रमुख आतिथ्य र मन्थली मा बि का बिव्यस अध्यक्ष श्याम सुवेदीको विशेष आतिथ्यमा भएको हो । मन्थली नगरपालिका १ नं वडाका ४ वटा विद्यालयका १३ जना प्रतियोगी विद्यार्थी सहभागी भएको उक्त कार्यक्रममा तामाकोसी बोर्डिङ स्कुलकी अपर्णा खड्का प्रथम, मन्थली मा बि मन्थलीकी रचना थापा द्वितीय र तामाकोसी बोर्डिङ स्कुलका छात्र प्रतीक कार्की र कर्कलादेवी बोर्डिङ स्कुलका देवीका तामाङ र अनिसा लुङ्गीलेले सान्त्वना पुरस्कार प्राप्त गरेका थिए ।
कार्यक्रममा सृजनशील समाज रामेछाप शाखाका अध्यक्ष विपिन भट्टराईले सम्मानित विद्यार्थी तथा सफल र कुशल उद्यमीहरूलाई धन्यवाद दिँदै सबै सबैमा यस खालको प्रेरणाका लागि सुझाव दिनु भएको थियो । सृजनशील समाजले जिल्लाको रचनात्मक र चेतनात्मक विकासको क्षेत्रमा दर्जनौँ काम गर्दे आएको छ ।
मन्थली मा बि मन्थलीका प्र अ डा. टङ्क प्रसाद दाहालको अध्यक्षतामा भएको उक्त कार्यक्रमका अवसरमा समाजले जिल्लामा रहेर विभिन्न उद्यम मार्फत समाजमा सकारात्मक सन्देश प्रवाह गरी रोजगार सृजना गर्नै १६ जना असल युवा उद्यमीहरूको पहिचान गरी उनीहरूलाई पनि सोही अवसर पारेर सम्मान गरेको छ । सम्मानित हुनेहरू तपसिल बमोजिमका व्यक्तिहरू रहनु भएको छ
यो बारेमा तपाईको प्रतिकृया