रामेछाप । रामेछाप जिल्लाको लिखु तामाकोशी गाउँपालिकाको झट्टेश्वर माविमा अध्ययनरत ४ सय ५० जना विद्यार्थीलाई लिखु तामाकोशी गाउँपालिकाका नेपाली काँग्रेस सभापति भोजराज खड्का (सुन्दर) लगायत नेपाली काँग्रेसका स्थानीय नेताहरूले न्यानो कपडा वितरण गरेका छन् । न्यानो कपडा स्वरूप ती विद्यालयका विद्यार्थिहरुलाई स्वेटर ,जर्सी,टाई र बेल्ट उपलब्ध गराइएको हो ।
उक्त विद्यालयमा अध्ययनरत ती विद्यार्थिहरुका लागि सोही पालिकाको वडा नं ५ नेपाली काँग्रेस वडा सभापति टेकबहादुर तामाङ, पूर्व (एसपी) अर्जुन खड्का, उमेश खड्का,पराग खड्का, विमल खड्का, विद्यालयकी प्रधानाध्यापक समेत रहनु भएका रुकमणी बस्नेत (खड्का) सहितको सहयोगमा ती विद्यार्थिहरुलाई न्यानो कपडा प्रदान गरिएको थियो ।
सो गाउँपालिकाका अध्यक्ष केशव महतले ती विद्यालयका ४ सय ५० जना विद्यार्थीहरुलाइ न्यानो कपडा स्वरूप उक्त कपडा वितरण गर्नु भएको हो । उक्त विद्यालयका पूर्व विद्यार्थी भएका नाताले उनीहरूले विद्यार्थिहरुका लागि उक्त सहयोग उपलब्ध गराएका हुन् । जाडोका समयमा दाताले गरेको यो सहयोग पछि अध्ययनरत विद्यार्थीहरू र विद्यालयलाई पनि खुसी बनाएको विद्यालय व्यवस्थापन समिति का अध्यक्ष मानबहादुर तामाङले बताउनु भयो ।
जाडो मौसममा विद्यार्थीहरूलाई न्यानो कपडाले पठन पाठनमा सहयोग पुगोस् भन्ने उद्देश्यले विद्यार्थीहरूलाई टाई, स्विटर, बेल्ड सहित शैक्षिक सामाग्री प्रदान गरिएको सहयोगी टोलीका संयोजक एवं नेपाली काँग्रेस लिखु तामाकोशी गाउँपालिकाका सभापति सुन्दर खड्काले बताउनु भयो ।
यस अघि विगतको कोरोना महामारी, भूकम्प लगायतका विपद्को समयमा उहाँहरूले सर्व साधारण र गाउँले दिन दुखीहरूका लागि खाद्यान्न, लत्ता कपडा, भाडा वर्तन लगायतको सामाग्री समेत सहयोग गर्दै आएको पनि काँग्रेस सभापति युवा नेता खड्काले जानकारी दिनु भयो ।उक्त मनकारी टिमले पालिकाका अन्य विद्यार्थीहरूका लागि आगामी दिनमा समेत शैक्षिक सामाग्री र भवन जीर्ण रहेका विद्यालयहरुले भवन समेत निर्माण गर्दे जाने जानकारी पनि सो अवसरमा गराइएको थियो ।
यो बारेमा तपाईको प्रतिकृया