रामेछाप १ फागुन । मङ्गलवार दिउँसो रामेछापको रामेछाप नगरपालिका वडा नं ९ ल्याङ्गल्याङ्गको च्युरिवोटमा ट्र्याक्टर दुर्घटना हुँदा चालक वर्ष ३७ का गुणराज श्रेष्ठको ज्यान गएको छ,भने ट्याक्टरमा सवार दुई जना घाइते भएका छन् ।
घाइते हुनेहरूमा रामेछाप नगरपालिका ८ का मनोज मगर र चन्द्र बहादुर शाही रहेको वडा अध्यक्ष चन्द्र बहादुर श्रेष्ठले जानकारी दिनु भयो ।सुनकोसी नदीको मरिङघाटबाट बालुवा लिएर ल्याङ्गल्याङ्ग तर्फ आइरहेको ना ५ त ६५३६ नम्बरको ट्र्याक्टर अप्ठेरो सडकको उकालोमा पुगेर ब्याक गर्दा डिलबाट करिब २ सय मिटर तल खसेको पनि अध्यक्षले अनुमान गर्नु भयो ।
घाइते मध्य चन्द्र साहीको अवस्था चिन्ताजनक छ भने मनोज को अवस्था भने सामान्य रहेको छ । दुवैको जिल्ला अस्पताल रामेछापमा उपचार भइरहेको छ । ट्र्याक्टर दुर्घटना भएको थप कारण बारे थप अनुसन्धान भइरहेको जिल्ला प्रहरी कार्यालय रामेछापका प्रहरी निरीक्षक रञ्जन गिरीले जानकारी दिनुभयो ।
यो बारेमा तपाईको प्रतिकृया