एमाले सचिव कार्की कार्वाहिमा

रामेछाप । नेकपा एमाले रामेछापले आफनो पार्टिको उमेद्वारलाई पराजित गराउन महत्वपुर्ण भुमिका खेलेको भन्दै र मन्थली नगर कमिटी सचिव राजु कार्कीलाई बर्खास्त गरेको छ । ्
मन्थली नगरपालिका वडा नं ५ सुनारपानी घर भएका पुर्व अनेरास्ववियु जिल्ला कार्य समितिका अध्यक्ष समेत भैसकेका कार्किले सम्पन्न स्थानिय तहको निर्वाचनमा वडा अध्यक्षको टिकट दावि गरेका थिए । पछि पार्टिले टीकट गणेश कार्किलाई दिएपछि उनले नेकपा एकिकृत समाजवादीका उम्मेदवार नबिन कार्कीलाई जिताएर पार्टीकोे उम्मेदवार गणेश कार्कीलाई चुनावमा हराउन खुलेयाम लागेको कारण उनलाई निश्कासन गरिएको एमाले रामेछापले जनाएको छ । उनले जिम्मेवार कार्यकर्ता भएर कम्युनिष्ट आचरण विरुद्को काम गरेपछि उनलाई पार्टिको साधारण सदस्य समेत नरहने गरि बर्खास्त गरिएको एमाले मन्थली नगर कमिटीका अध्यक्ष रामबावु घिमिरेले जानकारी गराए ।
उनले निर्वाचनमा अन्र्तघात गरेको भन्दै मन्थली नगरपालिका ५ नम्बर वडा कमिटी अध्यक्ष तेज बहादुर कार्की, एमालेबाट वडाध्यक्षका उम्मेदवार बनेका गणेश कार्की लगायतले कार्कीलाई तत्काल कारबाही गर्न पार्टीसँग माग गरेका थिए । उनलाई पार्टीको साधारण सदस्यसमेत नरहने गरी कारबाही गर्न एमाले मन्थली नगर कमिटीले जिल्ला कमिटीलाई सिफारिस गरेको छ ।