रामेछाप । जिल्ल्ला प्रशासन कार्यालय रामेछापले उपभोक्ताहरुको हितलाई ध्यानमा राखि दशै तिहार र छट पर्व लक्षित चार निर्णय गरेको छ । जस अनुसार उसले उपभोक्ताहरुका लागि यातायात संचालनलाई ब्यवस्थित बनाउने बजार अनुगमनमा कडाई गरि मुल्य सूचि अनुसार सामान वेच विखन गर्नका लागि आवश्यक ब्यवस्था मिलाउने पनि निर्णय गरेको छ । त्यसैगरि बैठकले यात्राका क्रममा क्षमत भन्दा बढि यात्रु नबोक्न ,जेष्ठ नागरिक महिला र अपाङ्गहरुका लागि ब्यवस्था गरिएको आरक्षण सिटको भरपुर उपयोग गर्न र यातयातका साधनले तोकिए भन्दा बढी भाडा लिन नपाउने र सो को प्रहरिले नियमित अनुगमन गर्नै निर्णय गरेको छ । त्यसैगरि सडक सन्जाल पुगेका ठाउँहरुमा नियमित यातयातका साधन संचालन गर्नका लागि यातयात ब्यवसायीलाई अनुरोध गर्नै निर्णय पनि गरेको छ ।
त्यसैगरि दशै तिहार र छट पर्वमा उपभोक्ताहरु नठगिउन भन्नका लागि दैनिक उपभोग्य सामाग्रिको प्रयोगलाई सहज बनाउने निर्णय गरेको छ । गृह मन्त्रालयको लिखित निर्देशनका आधारमा प्रमुख जिल्ला अधिकारी दीपक कुमार पहाडीको अध्यक्षतामा विहिबार बसेको सरोकारवालाहरुको बैठकले उपभोक्ताहरुको हितलाई ध्यानमा राख्दै दशै तिहार लक्षित चाडहरुमा सर्व साधारण नागरिकहरुले ठगिनु र दुःख पाउनु नपरोस भन्नका खातिर जिल्ला भित्र र बाहिर चल्ने सार्वजनिक यातायातका साधनको संचालन र ब्यवस्थापनलाई सहज बनाउनका लागि यातायात ब्यवसायी संग अनुरोध गर्ने निर्णय गरेको छ ।
त्यसैगरि बैठकले जिल्लाको पुर्वि नाकाको रुपमा परिचित निर्माणाधिन सेलेघाट —रामेछाप — साँघुटार सडक खण्डमा सजिलै यातायातको साधन संचालन गर्ने यातायात ब्यवसायीहरुलाई र सडकको स्तरोन्नतिको आबश्यक ब्यवस्था मिलाउन रामेछाप नगरपालीकालाई अनुरोध गर्ने निर्णय गरेको छ । त्यसैगरि भत्किएका र विग्रियका सडकहरुको मर्मत सम्भार र स्तर उन्नति गरि यातायातका साधन संचालन गर्नका लागि सरोकारवालाहरुले समन्वय गर्नु पर्ने र त्यसको नियमित अनुगमनको ब्यवस्था प्रशासन र उद्योग बाणिज्य संघले मिलाउने समेत निर्णय गरेको पनि जिल्ला प्रशासन कार्यालयले जानकारी दिएको छ ।
यो बारेमा तपाईको प्रतिकृया