कर्मचारी खटनपटनमा निर्वाचनको मनपरि ःप्रावि करार र राहतका शिक्षक स्थाईको जिम्मेवारीमा

रामेछाप २५ कार्तिक । आसन्न निर्वाचनलाई निर्विबाद बनाउने आफनो प्रतिबद्धता विपरित मुख्य निर्वाचन अधिकृतको कार्यालय रामेछापले कर्मचारी खटन पटनमा विधि र प्रद्धति विपरित काम गरेको भन्दै अन्य शिक्षकहरु रुष्ट भएका छन् ।
मंसिर ४ गतेको निर्वाचनलाई ब्यवस्थित र मर्यादित बनाउने आयोग र जिल्ला मुख्य अधिकारिको प्रतिबद्धता विपरित उसले प्रावि तहका दर्जनौ राहत तथा करारका शिक्षकहरुलाई स्थाई शिक्षकका नाममा निर्वाचनमा खटाए पछि बाँकि शिक्षकहरुका असंन्तुष्टि बाहिर आएको हो । राहत र करार शिक्षकहरुले स्थाई शिक्षकंको रुपमा निर्वाचन गराउने जिम्म्ोवारी पाएको प्रमाण कार्यालयमा पनि प्रत्यक्ष देख्न सकिन्छ ।
यस बाहेक कार्यालयले जारी मापदण्डका नाममा कतिपय स्थाई शाखा अधिकृत र उप सचिब सरहका शिक्षकहरुलाई निजामति तर्फका नासु को मातहतमा खटाएर शिक्षक हरुको मान मर्दन गरेको आरोप पनि लगाएका छन् । नेपाल शिक्षक महासंघ र विभिन्न शिक्षक संग आबद्ध घटक हरुले जिल्ला प्रशासन कार्यालय र शिक्षा विकास कार्यालयलाई बाधार्थ दिएर निर्वाचन प्रकृयामा सहभागिता जनाउन नसकिने संयुक्त निबेदन मुख्य निर्वाचन अधिकृतको कार्यालयलाई बुझाएको जानकारी पत्रकार सम्मेलन गरेर गराएका छन् । साझा रुपम प्रस्तुत भएका उनिहरुले निर्वाचन कार्यालयको विभेदपुर्ण र नियम विपरित काम भएको भन्दै निर्णय तत्काल सच्याएर सबै कर्मचारीहरुलाई सम्मान जनक ब्यवहार गर्न पनि मुख्य निर्वाचनको कार्यालय संग आग्रह गरेका छन् ।
शिक्षकहरुको असंन्तुष्टिका बारेमा मुख्य निर्वाचन अधिकृतको कार्यालयले भने निर्वाचनमा कर्मचारि ब्यवस्थापनका लागि जारी मापदण्डका आधारमा मात्र कर्मचारी खटन पटन भएको र कसैलाई पनि विभेद नगरेको दावि गरेको छ । जसका लागि कार्यालयले सबै माविका स्थाई शिक्षकहरुलाई मतदान अधिकृतको जिम्म्ोवारी दिने र मावि राहत र करारको हकमा कसैलाई पनि नखटाउने मापदण्ड बनाएको थियो ।
त्यसैगरि निमाविको हकमा भने स्थाई र करार शिक्षक सबैलाई सिनियरिटिका आधारमा सहायक कर्मचारिको रुपमा खटाउने र प्रावि तहको शिक्षकहरुका हकमा करार र राहतलाई निर्वाचनमा नपठाएर स्थाईलाई मात्र पठाउने मापदण्ड बनाई सोहि आधारमा खटन पटन गरिएको मुख्य निर्वाचन अधिकारी एवं जिल्ला न्यायधिस ईन्दिरा शर्माले बताउनु भयो । उहाँले भन्नु भयो– जिल्ला निर्वाचन कार्यालयले स्थाई भनि पठाएको नामावलिका आधारमा हामिले कर्मचारि ब्यवस्थापन गरेका हौ । यसमा हाम्रो कुनै पनि दोष नभएकोले चित्त नबुझे जिल्ला निर्वाचन कार्यालयमा गुनासो गर्न र अहिले तोकिएको मतदान केन्द्रमा गएर मंसिर ४ गतेको निर्वाचनलाई सफल बनाउन पनि शर्माले आग्रह गर्नु भयो ।