छुट्टा छुट्टै आगलागिमा परी १२ वटा घर र २ वटा गोठ जलेर नष्ट

मन्थली,९ बैशाख । रामेछाप र सिन्धुली जिल्लामा भएको छुट्टा छुट्टै आगलागीमा परी १२ घर र २ वटा गोठ जलेर नष्ट भएको छ ।

जस अन्तर्गत रामेछापको रामेछाप नगरपालिका वडा नं ३ ठाडो खोलामा भएको आगलागिमा परी ६ वटा, सोहि नगरपालिकाको वडा नं–६ डान्सिङटारमा आगलागी हुँदा २ वटा घर र गोठ र सिन्धुली जिल्लाको सुनकोसी गाँउपालिका वडा नं ४ स्थीत फलाटेघारी वनमा लागेको आगो बस्तीमा पस्दा त्याहाका ५ वटा घर जलेर नष्ट भएका हुन् ।
रामेछाप नगरपालिका वडा नं ३ साँघुटार को ठाडो खोलामा आगलागि हुँदा ६ वटा घर जलेर नष्ट भएको हो ।
जङ्गलमा लागेको आगो गाउँमा पसेपछि दीर्घमान श्रेष्ठको १ वटा ढुङ्गाको छाना र २ वटा खरको छाना भएको घर, खड्ग बहादुर कुमालको १ वटा जस्ताको छाना, १ वटा ढुङ्गाको छानो भएको घर र १ वटा खरको छाना भएको मतान जलेको हो ।
आगो निभाउने क्रममा दिर्घमान श्रेष्ठ घाईते हुनुभएको छ । अन्य चौपाया वस्तुभाउ नपरे पनि खड्ग बहादुर कुमालले पालेको ६० वटा ब्रोईलर कुखुरा जलेर नष्ट भएका थिए ।
घरमा भएको सवै अन्नपात, लत्ताकपडा, नगद सवै जलेर नष्ट भएको रामेछाप नगरपालिका वडा नं ३ का वडा अध्यक्ष दलवहादुर प्रधानले बताउनुभयो ।
घटनास्थलमा प्रहरीहरुको टोली पुगेर आगो नियन्त्रणमा लिइसकोको तर क्षतिको विवरण भने आउन वाँकी रहेको प्रहरी नायव उपरिक्षक प्रदिप कुमार सिंङले बताउनुभयो ।
यसै गरी सोहि नगरपालिकाको वडा नं–६ स्थीत डान्सिङटारमा पनि आगलागी हुँदा ४ वटा घर गोठ जलेर नष्ट भएको छ ।
आईतबार दिउँसोकोे समयमा जङ्गलमा लागेको आगो गाउँमा पस्दा २ वटा घर र २ वटा गोठ पूर्ण रुपमा जलेर नष्ट भएको हो ।
आगलागीबाट जब्बर बहादुर गोले र तुलामाया मगरको घर जलेर नष्ट भएको स्थानीय समाजसेवी पूर्ण बहादुर मगरले जानकारी दिनुभयो । आगलागीबाट घरमा भएको सवै अन्नपात, लत्ताकपडा जलेर नष्ट भएको छ । बस्तीमा पसेको आगो प्रहरी र स्थानीय मिलेर नियन्त्रणमा लिइसकेको रामेछाप प्रहरी प्रमुख सिङ ले जानकारी दिनुभयो । उहाका अनुसार यस घटनाको पनि क्षतिको विवरण आउन सकेको छैन ।
यसैगरी सिन्धुली जिल्लाको सुनकोसी गाउँपालिका वडा नं– ४ को फलाटेघारी वनमा लागेको आगो बस्तीमा पस्दा ५ वटा घरहरु जलेर नष्ट भएका हुन् ।
आगलागिमा परी स्थानीय भक्त बहादुर श्रेष्ठको ४ वटा घर र कृष्ण बहादुर श्रेष्ठको १ वटा घर जलेर नष्ट भएको हो ।
आगलागि बाट भएको क्षतिको विवरण आउन वाकी रहेको सो गाँउपालिकाका ४ नं वडाका अध्यक्ष यम बहादुर जर्घा मगरले जानकारी दिनुभयो ।
स्थानीय र रातमाटा प्रहरी चौकीबाट गएको प्रहरी मिलेर बस्तीमा पसेको आगो नियन्त्रणमा लिइसकेको पनि वडा अध्यक्ष मगरले बताउनुभयो ।