रामेछाप (सुनापति) ३० बैशाख । “सम्बृद्ध र सुखी सुनापति,कृषि पर्यटन हाम्रो सम्पती” भन्ने मूल नाराका साथ सुनापति गाँउपालिका वाट चालु आब ८० ÷८१ को हाल सम्म प्रवाह भएको सार्वजनिक सेवाको प्रभावकारीता तथा विकास निर्माणको गुणस्तरियता विषयक सार्वजनिक सुनुवाई आइतवार सुनापति गाउपालिकाको हिलेदेवीमा सम्पन्न भएको छ ।
गाँपालिका का अध्यक्ष उपाध्यक्ष, ५ वटै वडा अध्यक्षहरु र साझेदार संस्थाका प्रमुख एबं प्रतिनीधिहरु जवाफदेहि वक्ताका रुपमा रहनु भएको उक्त कार्यक्रममा कार्यलय मार्फत भए गरेका भौतिक तथा बित्तिय प्रगातिका वारेमा जानकारी गराउदै प्रमुख प्रशासकिय अधिकृत दिल कृष्ण श्रेष्ठले सबै भन्दा बढि भौतिक प्रगति वडा नं १ मा ८१.७९ प्रतिशत र सबै भन्दा कम भौतिक प्रगति वडा नं ३ मा ४९.२९ हुँदा कुल ६४.५६ प्रतिशत भौतिक प्रगति भएको बताउनुभयो ।
त्यसैगरी चालु आर्थिक वर्षमा ३० लाख राजस्व संकलन गर्ने लक्ष लिइएकोमा वडा नं १ बाट सबै भन्दा बढि ५ लाख १७ हजार र सबै भन्दा कम वडा नं ५ बाट रु ३ लाख ४५ हजार सहित कुल २९ लाख ८९ हजार, १३६ रुपैया राजस्व संकलन हुँदा लक्ष अनुारको ९९.६३ प्रतिशत प्रतगि भएको, ब्यवसाय दर्ता तर्फ ५१ प्रतिशत र ब्यवसाय नविकरण तर्फ ३२.९५ प्रतिशत प्रगति भएको पनि जाकारी गराउनु भएको थियो ।
कार्यक्रममा स्थानीय नागरिकहरुले विकास निर्माण र अन्य विषयमा हाक्का हाक्की वहस गरेका थिए । कार्यक्रमका अवसरमा बोल्दै गाँउपालिका अध्यक्ष ठुलो कान्छा तामाङले पालिकाले नागरिकहरुको गुनासो नआउने गरी काम गर्ने प्रयास गरिरहेको बताउनुभयो । साहि अवसरमा बोल्दै उपाध्यक्ष गिता विष्ट चौलागाँईले सुनापति गाँउपालिकाले अवलम्बन गरको “सम्बृद्ध र सुखी सुनापति,कृषि पर्यटन हाम्रो सम्पती” नारा लाई सार्थक हुने गरी काम गरिरहेको बाताउनुभयो ।
सो अबसरमा बोल्दै नेपाल पत्रकार महासंघ रामेछाप का पूर्व अध्यक्ष टिका प्रसाद भट्टले गौरवका योजनालाई थोरै रकमले नपुग्ने भएकाले बढि रकम राख्न र सबै वडालाई समानुपातिक विकास निर्माणका योजनाहरु वितरण गर्न पालिका को टिमलाई अनुरोध गर्नुभयो । कार्यक्रमको सहजीकरण शान नेपालका अध्यक्ष उमंग मैनालीले गर्नुभएको थियो ।
यो बारेमा तपाईको प्रतिकृया