पुरानागाँउ (रामेछाप),३० बैशाख । आईतबार मन्थली नगरपालिका वडा नं ९ को पुरानागाउँमा मन्थली नगरपालिकाले एकिकृत घुम्ती शिबिर र सार्वजनिक सुनुवाई एकै साथ सञ्चालन गरेको छ ।
यसरी दुवै कर्यक्रम एकैसाथ आयोजना गरेपछि स्थानीय नागरिकहरुको उल्लेखनिय उपस्थिति रहेको थियो ।
यस अघि हुने मन्थली नगरपालिकाको सार्वजानिक सुनुवाईमा नागरिकहरुको सहभागिता न्यून हुदै जाने गरेका कारण दुबै कार्यक्रम एकैसाथ आयोजना गरिएको बताइएको छ ।
सार्वजनिक सुनुवाई कार्यक्रममा स्थानीय नागरिकहरुले खानेपानी ,सडक विजुली,शिक्षा र स्वास्थ्यको अवस्था र नगर र वडाले सुधार गर्नु पर्ने पक्षका सवालमा हाक्का हाक्की वहस गरेका थिए ।
सार्वजनिक सुनुवाई सँगै आयोजना गरिएको एकिकृत घुम्ती शिवरिमा, सामान्य विरामी जाँच,पशु उपचार कृषि कार्यक्रम अन्तर्गत विउ विजन वितरण, लगाएका सेवाहरु प्रवाह गरिएको थियो ।
नगरपालिकाले चालु आव ०८०÷०८१ को कार्यक्रम अन्र्तगत गत साउन देखि हाल सम्म नगरले गरेको काम र प्रगतिका वारेमा जानकारी गराइएको थियो ।
सो अवसरमा मन्थली नगरपालिकाका प्रमुख प्रशासकिय अधिकृत हरि प्रसाद चापागाईले नगरले सबै वडामा गरेको कार्यक्रमको प्रगति विवरण प्रस्तुत गर्नुभएको थियो । उहाले नगरले प्रवाह गरेको सेवा सुबिधामा चित्त नवुझेर नगरको विकास निर्माण र शुसासनका सवालमा समस्या देखिएको भए सवाल जवाफ मा सहभागि हुन सबैलाई आग्रह गर्नु भएको थियो ।
सो क्रममा स्थानीय नागरिकहरुले उठाएको सवालहरुको जवाफ नगर प्रमुख लब श्रेष्ठ,उप प्रमुख ईश्वरी बस्नेत र प्रमुख प्रशासकिय अधिकृत हरि प्रसाद चापागाँईले दिनुभएको थियो ।
वडा नं ९ का वडा अध्यक्ष गोकर्ण राज आरनको अध्यक्षतामा भएको उक्त सार्वजनिक सुनुर्वाइ कार्यक्रममा उप प्रमुख ईश्वरी बस्नेत,नगरका प्रवक्ता गोपाल श्रेष्ठ वडा नं २,३ र ७ का वडा अध्यक्ष क्रमश सुरेन्द्र काकीर्, कृष्ण गोपाल श्रेष्ठ र भुवनहरी प्रसाईले पनि जवाफदेहि वक्ताका रुपमा आ–आफनो धारणा राख्नुभएको थियो ।
कार्यक्रमको जवाफदेही बक्ता र प्रमुख अतिथिका रुपमा रहनुभएका नगर प्रमुख लव श्रेष्ठले नगरले शुसासन,गुणस्तरियता,पारदर्शिता र जवाफ देहितामा नगरको अवस्था मापन गर्नका लागि सार्वजनिक सुनुवाई कार्यक्रम गरेको बताउनुभयो । उहाले नगर र वडाको सेवा प्रवाह,शुसासन र पारदर्शितामा कुनै पनि कमि हुन नदिने बताउनुभयो । उहाले नागरिक सचेत नभए सम्म शुसासन र पारदर्शिताको नाराले सार्थकता नपाउने भन्दै त्यसको लागि आवश्यक सहयोग गर्न पनि नगरवासीहरुलाई आग्रह गर्नुभयो ।
कार्यक्रमका अवसरमा नगरपालिकाले नागरिकहरुका लागि विशेषज्ञ सेवा, पशु सेवा र कृषि सेवाका लागि पनि ३ वटा शिविर सञ्चालन गरेको थियो ।
उक्त शिविरमा ३ सय भन्दा बढि सेवाग्राहि हरुले सेवा लिएको वडा सचिव रमेश सुवेदीले जानकारी दिनुभयो ।
यो बारेमा तपाईको प्रतिकृया