मन्थली,१४ जेठ । मरिंगा (सैजन)को प्रचार प्रसार गर्दै डाक्टरहरुको टोली मन्थली आइपुगेको छ ।
यसको फाइदाका वारेमा जनचेतना जगाउदै जिल्ला जिल्लामा जाने क्रममा यस हप्ता अमेरिकन नागरिक डा.प्रतिक चउ,को नेतृत्वमा रामेछापका डा. दिल बहादुर थोकर सहितको टोली मन्थली आइपुगेको हो ।
टोलीले मन्थलीमा रहेका बिभिन्न ५ वटा बिद्यालयहरुका कक्षा ६ देखि १० सम्मका विद्यार्थीहरु, पत्रकार र सरोकार वाला निकायका प्रतिनिधि हरुलाई मरिङ्गा को बारेमा जानकारी गराएको थियो । यसको फल भन्दा पनि पातमा नै बढि पौष्ट्रिक तत्व र विभिन्न रोग सँग लड्न सक्ने क्षमता हुने भएकोले यसको ब्यवसायिक खेति गर्न उहाले सबैलाई आग्रह गर्नुभएको थियो ।
चमत्कारिक विरुवा धेरै वटा पोषण्को स्रोत भएको भन्द्यै यसका विरुवाहरु हरेक घरमा २ ÷२ वटा मात्र लगाएर आफैले मात्रा मिलाएर खान सक्यो भने धेरै रोग बाट बच्न सकिने पनि उहाले बताउनुभएको थियो ।
कार्यक्रम पछि एक विद्यार्थी २ विरुवा रोप्ने अभियान थाल्नका लागि आफुले आबश्यक तयारी गरिरहेको स्थानीय समाजसेवी विपिन भट्टराइले बताउनुभयो ।
छोटो समयमै फल दिने यस को रुख बाट काटेको हाँगा रोप्दा पनि सर्ने यो प्रजाति मन्थली नगरपािलकाले प्रत्येक वडामा लगाउने र कुनै वडालाई पाइलट प्रोजेक्टको रुपमा लागु गर्ने हो भने यहाँका धेरै नागरिकहरु निरोगि हुनुका साथै राम्रो आय आर्जन गर्न सक्ने अबस्था रहेको पत्रकार महासंघ रामेछापका अध्यक्ष बद्रि नयाँघरे बताउनुहुन्छ ।
यो बारेमा तपाईको प्रतिकृया