मन्थली १७ जेठ । “कृषकलाई तालिम,प्रविधि,सर्बसुलभ कर्जा र सम्मान, दिगो कृषि विकासको लागि सदुपयोग गरौ कृषि अनुदान,” भन्ने मुल नारा सहित प्रधानमन्त्री कृषि आधुनिकिकरण परियोजना कार्यान्वयन इकाई रामेछापले कृषकहरुलाई मेसिनरी औजार, उपकरण सञ्चालन तथा मर्मत संहार तालिम शुरु गरेको छ ।
दोलखा र रामेछापका गरी २५ जना कृषकहरु सहभागि रहेको उक्त तालिममा मिनि टेलर, कम्बाइन मिल,तराजु लगाएतका सामाग्रीहरु सञ्चालन र मर्मत गर्न सिकाइने प्रधानमन्त्री कृषि आधुनिकिकरण परियोजना कार्यान्वयन इकाइका प्रमुख थिरलाल गैरेले बताउनुभयो । उहाँले परियोजना मार्फत अनुदानमा कृषकहरुलाई बिभिन्न उपकरणरु वितरण गरिएको हुँदा त्यसको प्रभाकारी सञ्चालन र मर्मत संहारका बारेमा ज्ञान भयो भने कृषकको समय र पैसाको बचत हुने भएकोले उहाँहरुलाई यस प्रकारको तालिम दिन लागिएको बताउनुभयो ।
जिल्ला समन्वय समितिका उप–प्रमुख प्रेम बहादुर थापाको अध्यक्षतामा सुरु भएको उक्त तालिमको उद्घाटन रामेछाप उद्योग बाणिज्य संघका अध्यक्ष एबं प्रमुख अतिथि नविन कुमार थापामगरले ब्यानर पढेर गर्नुभयो ।
सो अवसरमा प्रमुख अतिथि थापामगर, कार्याय प्रमुख गैरे, कार्यक्रमका अध्यक्ष प्रेम बहादुर थापा, पत्रकार महासंघका जिल्ला अध्यक्ष वद्री नयाँघरे, वागमती प्रदेश कोषाध्यक्ष रमेश ढुंगेल, परियोजनाकी कृषि प्राविधिक विनिशा श्रेष्ठ लगाएले आ–आफ्नो मन्तब्य राख्दै तालिममा सिकेका कुराहरुलाई ब्यवाहरमा उतार्न सके तालिम प्रभावकारी हुने बताउनुभयो । तालिम ३ दिन सम्म चल्ने बताइएको छ ।
यो बारेमा तपाईको प्रतिकृया