रामेछाप १५ असार । “जलवायु मैत्री कृषी, धान उत्पादनमा बृद्धि” भन्ने मूल नाराका साथ २१ औं राष्ट्रिय धान दिवस रामेछाका विभिन्न पालिकाहरुमा मनाइएको छ ।
जिल्ला सदरमुकाम मन्थली स्थित मन्थलीमा जिल्ला कृषि विकास कार्यालय रामेछाप र रामेछाप पोलिटेक्निकल इन्स्टिच्युटले संयुक्त रुपमा सानीमदौमा धान रोपेर धान दिवस मनाएको छ भने मन्थली नगरपालिकाले वडा नं १२ को घुर्पाङ वेशी र लिखु तामाकोसी गाँउपालिकाको वडा नं–६ स्थित खिम्ति बेसी र खाँडादेवी गाँउपालिकाले माडि मुहानमा धान रोपेर धान दिवस मनाइएको छ ।
कृषि विकास कार्यालय र रामेछाप पोलिटेक्निकल इन्स्टिच्युटले संयुक्त रुपमा आयोजना गरेका धान दिवस सहायक प्रमुख जिल्ला अधिकारी किसान न्यौपानेको अध्यक्षता तथा जिल्ला समन्वय समितिका उप प्रमुख पे्रम सागर थापको प्रमुख आतिथ्यतामा मनाइएको हो । ।
कार्यक्रममा पत्रकारहरु, ा सुरक्षा निकायका प्रमुख एबं प्रतिनिधिहरु लगायत विभिन्न सरोकारवाला कार्यालयहरु संघ संस्था,रामेछाप पोलिटेक्निकल इन्स्टिच्युटका विद्यार्थीहरु र स्थानीयको सहभागिता रहेको थियो ।
यसैगरी सो अवसर पारेर मन्थली नगरपालिकाले वडा नं १२ स्थित गेलुको घुर्पाङ् वेशीमा धान रोपे सँगै दहि च्युरा खाएर दिवस मनाएको हो ।
उक्त कार्यक्रम जिल्ला समन्वय समितिका प्रमुख , नगर प्रमुख र उपप्रमुख सञ्चारकर्मीहरुm जन निर्वाचित प्रतिनिधिहरु र स्थानीयको सहभागिता रहेको थियो ।
त्यसैगरी जिल्लाको लिखु तामाकोशी गाउँपालिकाले पनि खिम्ति बेशीमा २१ औ धान दिवस मनाएको छ । पाकिलका प्रमुख,केशव महतको प्रमुख आतिथ्यता तथा वडा अध्यक्ष शिव न्यौपानेको अध्यक्षतामा उक्त दिवस मनाइएको थियो ।
त्यसैगरी जिल्लाका अन्य पालिकाहरुले पनि विविध कार्यक्रमका साथ धान दिवस मनाइएको समाचारहरु प्राप्त भएका छन् ।
यो बारेमा तपाईको प्रतिकृया