“अरुको खर्च गर्ने क्षमता जति छ त्यतिनै प्रदेशको आम्दानी छ” –मन्त्री काफ्ले

मन्थली (रामेछाप) ६ भदौ । वागमती प्रदेशका आर्थिक मामिला तथा योजना मन्त्री कुन्दनराज काफ्ले ले अरुको खर्च गर्ने क्षमता जति छ त्यतिनै प्रदेशको आम्दानी भएको बताउनुभएको छ ।
सो कुरा उहाले नेपाली काँग्रेस जिल्ला कार्य समिति रामेछापले आयोन गरेको शुभकामन तथा बधाई कार्यक्रमका अवसरमा बताउनुभएको हो ।
उहाँले भन्नुभयो –“अरुले दिएको रकम हात थापेर विकास गर्ने भए राज्य को आबश्यक किन पर्यो ?” ।

उहाले प्रदेश सरकार संघिय सरकारले दिएको वजेट बाड्ने मात्र हो जस्तो देखिएकाले अव यसलाई आफुहरुले प्रदेशको अधिकार खोज्दै र मिलाउदै जाने बताउनुभयो ।
उहाले प्रदेश सरकार सँग भएको कयौ समस्याहरु विस्तारै समाधान गर्ने तर्फ आफुहरु लागि परेको पनि बताउनुभयो ।
बिहिवारनै दोलखामा हुने नेवारी समुदायको प्रदेश स्तरीय कार्यक्रमलाई सम्बोधन गर्न चरिकोट जाने क्रममा उहालाई नेपाली काँग्रेस रामेछाप र मन्थली नगर कार्य समितिले प्रशंसा पत्र सहित बधाइ तथा शुभकामना ब्यक्त गरेको थियो ।
पार्टि उपसभापति लेख बहादुर कार्कीको अध्यक्षतामा सम्पन्न उक्त कार्यक्रमका अवसरमा बोल्दै नेपाली काँग्रेसका निवर्तमान सभापति लवश्री न्यौपाने, कार्यक्रमका सभापति कार्की, सचिब दिपक खड्का, कार्य समिति सदस्य सुमन्त कार्र्की लगाएतले मन्त्रीले जिल्लामा गर्नुपर्ने विकास निर्माणका कामहरुको वारेमा जानकारी गराउनुभएको थियो ।