मन्थली, १० भदौै । रामेछापको दोरम्बा शैलुङ्ग गाँउपालिका वडा नं ३ मा गएराति गएको पहिरोमा परी हराइरहेका ४ जना मध्ये १ जनाको शव फेला परेको छ ।
सोमवार नेपाल प्रहरी, नेपाली सेना तथा स्थानीयले खोजतलास गर्ने क्रममा ७५ बर्षिया पुडकी पहरीको शव फेला परेको हो ।
जिल्ला प्रहरी कार्यालय रामेछापका सूचना अधिकारी कौशल न्यौपनेले दिनुभएको जानकारी अनुसार आज सोमवार दिउसो २ः३० वजे सम्म खोजतलास गरिएको र त्यस पछि सो ठाउमा भिषण प्रतिकुल मौसम भएका कारण खोजतलास कार्य रोकिएको छ । मौसम अनुकुल हुनासाथ पुन खोजतलास सुरु गर्ने जनाइएको छ ।
यसै विच जोखिम युक्त क्षेत्र रहेको सो टोलमा रहेका ६५ घर परिवार मध्ये ३ घर पहिरोले वगाएको १ घर पुरेको र वाकी रहेका घरपरिवारका १८० जनालाई स्थानीय कण्ठेश्वर मावि टोकरपुर र दोरम्बा शैलुङ्ग गाँउपालिकाको खाली कोठामा सारिएको गाँउपालिकाका अध्यक्ष मैन कुमार मोक्तानले बताउनुभयो ।
उनीहरुलाई खान र वस्नको लागि हाललाई गाँउपालिकाले ब्यवस्था गरेको छ पनि जिल्ला विपद ब्यवस्थापन समितिले ७० थान त्रिपाल उपलब्ध गराएको छ ।
उक्त पहिरोमा परी दोरम्बा शैलुङ्ग ३ लेखर्कका ५५ बर्षका काले पहरी, ५० वर्षका झ्याइपुरी पहरी र २१ बर्षिया बिन्दा पहरी हराइरहेका छन् ।
पहिरोमा परी सो वडाकी ३० बर्षिय चण्डीका श्रेष्ठ , निजका १८ महिनाका छोरा आयुष श्रेष्ठ, सोहि वडाका क्रमश वर्ष ५७ की उर्मिला पहरी ,वर्ष ३० का सन्दिप पहरी ,वर्ष ११ का सन्तोष पहरी वर्ष १४ का विज्ञान पहरी को ज्यान गएको थियो ।
उक्त स्थानमा गएको पहिरो र जोखिम युक्त वस्ती स्थानान्तरण सम्बन्धि अध्ययन गर्न जिल्ला विपत ब्यवस्थापन समितिको सोमवार वसेको बैठकले समिति गठन गरेको छ । सहायक प्रमुख जिल्ला अधिकारी किसान न्यौपानेको संयोजकत्वमा जनस्वास्थ्य कार्यालय, रामेछाप उद्योग बाणिज्य संघ, नेपाल रेडक्रस सोसाइटि पत्रकार महासंघ,गैर सरकारी संस्था महासंघ र सम्बन्धित गाँउपालिकाको अधिकृत प्रतिनिधि सहित ७ सदस्यीय आबश्यकता पहिचाहन समिति गठन गरेको हो ।
सो समितिले जिल्लाका विभिन्न ठाउमा गएको बाढि पहिरो र अन्य जोखिमका वारेमा आजदेखिनै काम सुरु गरेको प्रमुख जिल्ला अधिकारी अनिता निरौलाले बताउनुभयो । बैठकमा पहिरो पिडितलाई गाँउपालिका मार्फत एक द्वार प्रणाली मार्फत राहत वितरण गर्ने प्रदेश सरकार वाट प्राप्त राहत रकम तथा सामाग्री प्राप्त भए पश्चात तत्काल उपलब्ध गराउने, सो पालिकाको वडा नं १ २ र ३ पहिरो जोखिम क्षेत्रहरुको अध्ययन गर्न विज्ञ टोली खटाउने साथै पाँच सय त्रिपाल र ५० थान टेन्ट प्रदेश सरकार आन्तरिक मामिला तथा कानून मन्त्रालय सँग माग गर्ने लगाएतका १३ बुँदे निर्णय गरिएको छ ।
यो बारेमा तपाईको प्रतिकृया