मन्थली,१३ भदौ । रामेछापको मन्थली नगरपालिकामा आयोजना भएको नगरपालिकाका प्राविधिक कर्मचारीहरु र साना तथा मध्यम उद्यमीका लागि उर्जा प्रभावकारी भवन डिजाइन सम्बन्धि ३ दिने तालिम विहिवार मन्थलीमा सम्पन्न भएको छ ।
तालिममा मन्थली नगरपालिका र सिन्धुलीको कमलामाई नगरपालिकाका ३१ जना भन्दा बढि प्राविधिकहरु सहभागी थिए। ।
विल्डिङ इनर्जी इफिसियन्सी नेपाल परियोजनाको आयोजनामा सम्पन्न उक्त तालिममा वागमती प्रदेशकी परियोजना सम्पर्क ब्यक्ती संगिता थापा, इन्जिनियर राजु सिवाकोटी, दिवश अधिकारी, अस्मिता अधिकारी ,ओमडी राज उपाध्याय लगाएतले सहजीकरण गर्नु भएको थियो ।
तालिमको समापन सत्रका अवसरमा बोल्दै नगर उप प्रमुख एबं कार्यक्रमकी प्रमुख अथिति इश्वरी बस्नेतले मन्थली नगरपालिकामा अब बन्ने भवन उर्जा मैत्री बनाउन आफुले पहल गर्ने बताउनुभयो ।
कार्यक्रमका अध्यक्ष एबं मन्थली नगरपालिकाका महाशाखा प्रमुख हेमन्त बुढाथोकीले यो तालिम पश्चात मन्थली नगर भित्र उर्जा मैत्री भवन निर्माण का लागि प्राविधिक कर्मचारीहरूले बढि मेहनत गर्नुपर्ने बताउनुभयाे । उहाले तालिममा सिकेका कुराहरु ब्यवहारमा उतार्न पनि सहभागि हरुलाई अनुरोध गर्नुभयो ।
तालिममा सहभागि प्राविधिक कृष्ण दाश श्रेष्ठले यो तालिमले आफु जस्ता प्राविधिकहरुलाई उर्जा प्रभावकारी भवन निर्माणका लागि आबश्यक कार्यहरु गर्न धेरै सहज भएको बताउनुभयो । तालिम तीन दिन सम्म चलेको इन्जिनियर डिल्ली अधिकारीले जानकारी दिनुभयो ।सहभागिहरु लाई प्रमाणपत्र समेत वितरण गरिएको थियो ।
यो बारेमा तपाईको प्रतिकृया