रामेछाप,१९ भदौ । उद्योग तथा वाणिज्य कार्यालय रामेछापले आफ्नो कार्यालयले गर्ने सेवा प्रवाह र कार्यालयले गर्दै आएको सेवा प्रवाह र प्रगतिको वारेमा अन्र्तरक्रिया कार्यक्रम सम्पन्न गरेको छ । सो कार्यालयले मंगलबार जिल्ला प्रशासन कार्यालय मा र बुधबार आफ्नै कार्यालयमा छुट्टा छुट्टै कार्यक्रमको आयोजना गरेको हो ।
कार्यालयले बुधबार वागमती प्रदेशका उद्योग,पर्यटन,वन तथा वातावरण समिति सभापति एवं प्रदेश सांसद आनन्द श्रेष्ठको प्रमुख आतिथ्यतामा जिल्ला भित्रका सबै पालिकाहरुका प्रतिनिधिलाई उपस्थित गराई उक्त कार्यक्रको आयोजना गरेको हो । कार्यक्रममा वोल्दै प्रमुख अतिथि श्रेष्ठले राजनितिक अस्थिरताका कारण उद्योगको क्षेत्रमा आशातित सुधार हुन नसकेको भन्दै त्यसका लागि सरकारले पनि आवश्यक नीति निर्माण गर्नु पर्ने बताउनुभयो । उहाँले आवश्यक बजेट र आवश्यक नीति निर्माणमा आफु क्रियाशिल रहेको पनि बताउनु भयो । सो अवसरमा उहाँले जिल्लामा आएको न्युन बजेट पनि जिल्लाको उद्योग क्षेत्रको विकासको वाधक रहेको बताउनुभयो ।
कार्यक्रमको सुरुवाति चरणमा कार्यालय प्रमुख सुवोध कुमार शाह कर्मयोगीले कार्यालयले गत आवमा गरेको संक्षिप्त गतिविधि र चालु आवमा संचालन गर्ने कार्यक्रम संगै प्राप्त पालिका स्तरीय वजेट सिलिङ्गको बारेमा पनि जानकारी गराउनु भएको थियो ।
कार्यालय प्रमुख शाह अध्यक्षतामा भएको कार्यक्रममा जिल्ला समन्वय समितिका उप प्रमुख प्रेम सागर थापा,रामेछाप उद्योग वाणिज्य संघका का.वा. अध्ययक्ष प्रकाश कुमार श्रेष्ठ,नेपाल पत्रकार महासंघका अध्यक्ष बद्री नयाँघरे लगायतका सरोकारवाला संस्थाका प्रतिनिधिहरुले जिल्लाको उद्योग तथा वजारीकरणको अबस्था र गर्नु पर्ने सुधारात्मक पक्षका बारेमा आ –आफनो धारणा राखेका थिए ।
कार्यक्रममा कार्यालय प्रमुख शाह, रावावैक,कृषि विकास वैंक र करदाता कार्यालयका प्रमुख समेतले अन्र्तरक्रियामा उठेका कुराको वारेमा जवाफ दिएका थिए ।
त्यसैगरी मंगलवार कार्यालयले जिल्ला प्रशासन कार्यालय रामेछापको सभाहलमा आयोजित सबैखाले सरोकारवाला हरुको रोहवरमा आयोजित कार्यक्रममा जिल्लाको वजारहरुको अवस्था र वजार अनुगमन र त्यसको प्रगति र सुधारात्मक अवस्थाका बारेमा पनि जानकारी गराईएको थियो ।
कार्यक्रमका अवसरमा आ.व ०८१÷०८२ जिल्लाको वजार अनुगमन र सो को बार्षिक कार्ययोजना मस्यौदा माथि पनि ब्यापक छलफल गरेर अनुमोदन गरिएको थियो । सो कार्यक्रम निमित्त प्रजिअ किसान न्यौपानेको प्रमुख आतिथ्यतामा भएको थियो ।
यो बारेमा तपाईको प्रतिकृया