मन्थली,६ असोज । रामेछाप जिल्लाको मन्थली नगरपालिका वडा नं –५ स्थित सुनारपानीमा वलेरो दुर्घटना हुँदा १ जनाको मृत्यू भएको छ भने ६ जना घाइते भएका छन् ।
जिल्ला प्रहरी कार्यालय रामेछापका अनुसार जिल्ला सदरमुकाम मन्थली बाट सालु तर्फ जाँदै गरेको वा १८ च १८३९ नं को डवल क्याप वलेरो आइतवार दिउसो १ बजे दुर्घटना हुँदा मन्थलीनगरपालिका वडा नं– ४ कि ६० वर्षिय पदम माया नेपालीको घट्ना स्थलमै मृत्यु भएको हो । उनी वडा नं–४ कि दलित महिला सदस्य समेत थिइन ।
उक्त दुर्घटनामा परी गम्भीर घाइते भएका मन्थली न पा–४ का ४२ बर्षिय वलेरो चालक गुनकुमार थापामगर र ६९ वर्षिय दिलिप कुमार वरुवाल लाई थप उपचारका लागि काठमाण्डौ लगिएको छ ।
अन्य घाइते हुनेहरुमा सोही वडाकी वर्ष ३४ की सीता नेपाली, बर्ष २५ कि सुजिता रसाइली, वर्ष २५ कै सरिता नेपाली र उनकी ५ महिनाकी छोरी रोनिषा नेपाली रहेका छन् । रोनिषाको भने कतै चोट देखिएको छैन ।
दुर्घटनामा परी सामान्य घाइतेहुने हरुको मन्थलीस्थीत रामेछाप सामुदायिक अस्पताल र मन्थली अस्पतालमा उपचार भैरहेको प्रहरी नायव उपरीक्षक प्रदिप कुमार सिंहले जानकारी दिनुभयो ।
मन्थली बाट सुनारपानी हुँदै भित्री कच्ची सडक प्रयोग गरी सालु तर्फ जादै गरेको उक्ता वलेरो अनियन्त्रित भई सडक वाट करिव १ सय ५० मिटर तल खसेको थियो । घटना थाहा पाउनासाथ स्थानीय र जिल्ला वाट पुगेको प्रहरीले घाइतेहरुको उद्धार गरेका थिए ।
यो बारेमा तपाईको प्रतिकृया