मन्थली, ६ असोज । रामेछाप जिल्लाको मन्थली नगरपालिका वडा नं –५ स्थित सुनारपानीमा वलेरो दुर्घटना मा परी मृत्यु हुनेको सख्या दुई पुगेको छ ।
मन्थली नगरपालिका वडा नं ५ का वडा अध्यक्ष रविन कुमार कार्की अनुसार गम्भीर घाइते भई थप उपचारका लागि धुलिखेल अस्पताल लगिएका ६९ बर्षिय दिलिप कुमार वरुवालको उपचारका क्रममा धुलिखेल अस्पताल मा मृत्यू भए सँगै मृत्यू हुनेको संख्या दुई पुगेको हो ।
जिल्ला सदरमुकाम मन्थली बाट सालु तर्फ जाँदै गरेको वा १८ च १८३९ नं को डवल क्याप वलेरो आइतवार दिउसो १ बजे सुनारपानीको भदौरे मोडमा दुर्घटना हुँदा मन्थलीनगरपालिका वडा नं ४ कि ६० वर्षिय पदम माया नेपालीको घट्ना स्थलमै मृत्यु भएको थियो । उनी वडा नं–४ कि दलित महिला वडा सदस्य समेत हुन् ।
उक्त दुर्घटनामा परी गम्भीर घाइते भएका मन्थली न पा–४ का ४२ बर्षिय वलेरो चालक गुनकुमार थापामगरको धुलिखेल अस्पतालमा उचार भैरहेको छ ।
अन्य घाइते हुनेहरुमा सोही वडाकी वर्ष ३४ की सीता नेपाली बर्ष २५ कि सुजिता रसाइली, वर्ष २५ कै सरिता नेपाली र उनकी ५ महिनाकी छोरी रोनिषा नेपालीको मन्थलीस्थीत रामेछाप सामुदायिक अस्पताल र मन्थली अस्पतालमा उपचार भैरहेको छ ।
मन्थली बाट सुनारपानी हुँदै भित्री कच्ची सडक प्रयोग गरी सालु तर्फ जादै गरेको उक्त वलेरो अनियन्त्रित भई सडक वाट करिव १ सय ५० मिटर तल खसेको थियो ।
यसै विच अफ्नो नगर सभा सदस्य एबं वडा नं ४ की दलित महिला सदस्य पदममाया नेपालीको उक्त घटनामा परी मृत्यू भएका कारण मन्थली नगरपालिकाले शोक विज्ञप्ती जारी गरी नेपालीको निधन प्रति गहिरो दुख प्रकट गरको छ । उक्त घटनाका कारण भोलि सोमवार मन्थली नगरपालिकाले शोक विदा दिने निर्णय समेत गरेको छ । निमित्त प्रमुख प्रशासकिय अधिकृत हेमन्त बुढाथोकी द्धारा हस्ताक्षरीत बिज्ञप्तीमा मन्थली नगरपालिका र सो अन्तर्गतको १४ वटै वडामा अत्यावश्यक काम भन्दा वाहेकका सबै सेवा वन्द हुने कुरा जनाइएको छ ।
यो बारेमा तपाईको प्रतिकृया