मन्थली,९ असोज । बागमती प्रदेशका आर्थिक मामिला तथा योजना मन्त्री कुन्दनराज काफ्ले प्रदेश सरकारलाई अधिकार नदिने हो भने प्रदेशको औचित्य नहुने बताउनु भएको छ ।
उहाले संघिय सरकारले अधिकार जति आफै राखेर प्रदेशका माननियहरुलाइ हात खुट्टा बाधिरहने र संघिय सरकारले दिएको मात्र हात थापेर प्रदेश सरकार चलाइ रहने हो भने त्यो आफुहरुलाई सह्य नहुने बताउनु भएको थियो ।
उहाँले सो कुरा रामेछापको मन्थलीमा आफ्नै मन्त्रालयले आयोजना गरेको राजस्व बाँडफाँड तथा अन्तरसरकारी वित्तिय हस्तान्तरण सम्बन्धमा स्थानीय तह सँग अन्तरकृया कार्यक्रमका अवसरमा बताउनुभएको हो । उहाँले सधै यही अबस्था रहिरहने हो भने प्रदेशका माननियको औचित्य समेत समाप्त हुने दावी गर्नुभयो ।
कार्यक्रमका अबसरमा बोल्दै मन्त्री काफ्लेले विगतका दिनहरु प्रदेश सरकारले विनियोजन गरेका साना तथा गौरवका आयोजनाहरु प्रभावकारी नभएकोले त्यस्ता आयोजना तथा गतिविधिहरुलाई सुधार गर्न प्रदेश सरकार गठन भएको ७ वर्ष पछि प्रदेश सरकार जिल्ला दौडाहामा निस्केको बताउनुभएको थियो ।
उहाँले कार्तिक महिना सम्ममा वागमती प्रदेशका १३ वटै जिल्लामा पुगेर यस्ता अन्तरकृयात्मक कार्यक्रम मार्फत विभिन्न विषयको बारेमा वारेमा सल्लाह सुझाव लिने बताउनुभयो । उहाँले केही समय पछि अब प्रदेशका सबै नागरिकहरुले वेभ साइड मार्फत समेत सल्लाह सुझाव दिन सक्ने खालको संरचना निर्माणका लागि आफ्नो मन्त्रालयले काम गरिरहेको पनि बताउनुभयो ।
मन्त्री काफ्लेले जिल्ला–जिल्लामा पुगेर संकलन गरिएको सुझावलाई एकिकृत प्रतिवेदन बनाई सोही अनुसार प्रभावकार ढंगवाट काम गर्न पहल गर्ने बताउनुभयो ।
उहाँले सरकारको अनुभुति जनतालाई नदिने हो भने संघिय वा प्रादेशिक सरकारको पनि औचित्य नहुने भएको ले नागरिकहरुलाई सरकार भएको अनुभुति दिलाउन पनि यस्ता कार्यक्रमहरु जरुरी रहेको बताउनुभयो ।
कार्यक्रमका अवसरमा वागमती प्रदेशका वन तथा वातावरण समितिका सभापति आनन्द श्रेष्ठ, प्रदेश माननियहरु क्रमश युवराज चौलागाई, तारानारायण श्रेष्ठ, माया कुमारी कार्की , रामेछाप र मन्थली नगरपालिकाका नगर प्रमुखहरु, विभिन्न गाउपलिकाका अध्यक्षहरु र विभिन्न कार्यालय र संघ संस्थाका प्रतिनिधिहरुको समेत सहभागिता रहेको थियो ।
यो बारेमा तपाईको प्रतिकृया