मन्थली,२२ असोज । रामेछापको खाँडादेवी गाँउपालिका वडा नं ३ भीरपानीमा सोमवार साझ यात्रुवाहक वस दुर्घटना हुँदा १ जनाको मृत्यू भएको छ भने १३ जना घाइते भएका छन ।
काठमाण्डौ बाट मन्थली हुँदै सिन्धुली जिल्लाको सुनकोशी गाँउपालिका स्थीत अमारे तर्फ हिडेको प्र ०१–००५–ख ९५७९ नं को बस अचानक व्रेक फेल भई दुर्घटना भएको जिल्ला प्रहरी कार्यालय रामेछापले जनाएको छ ।
यसरी दुर्घटनामा परी मृत्यू हुनेमा सिन्धुली जिल्ला सुनकोसी गाँउपालिका वडा नं ६ खहरे खोला बस्ने १७ बर्षकी युनिषा श्रेष्ठ रहेकी छिन । उनको उपचारका लागि सिन्धुली तर्फ लैजादै गर्दा बाटोमै मृत्यू भएको हो ।
दुर्घटनामा परी घाइतेहुनेहरुमा सोहि वडाकी वर्ष २८ कि शोभा थापाको सोहि पालिका वडा नं ५ बस्ने वर्ष २० कि ,मनिष रम्तेल वडा नं ५ कै १९ बर्षिया आयुष्मा श्रेष्ठ, वडा नं ३ कि २६ बर्षिय सरिता चौलागाँई, वडा नं ५ कि १७ बर्षिय सबिता न्यौपाने, वर्ष २७ कि इन्दिरा रिमाल र उनका छाेरीहरु १३ र ७ बर्षका क्रमसः आकृति र प्रीति, वर्ष १७ कि साबित्रा न्यौपाने, बर्ष १९ कि उमा न्यौपाने, वर्ष २० कि मनिषा रम्तेल र बर्ष ३२ की मनकला ढकाल रहेकी छिन ।
दुर्घटनामा परेका अधिकांस घाइतेहरुलाई सिन्धुली जिल्ला अस्पताल मा रिफर गरिएको जिल्ला प्रहरी कार्यालय रामेछापका प्रहरी नायव उपरीक्षक प्रदिप कुमार सिंहले जानकारी दिनुभयो ।
३५ जना सवार रहेको उक्त वसका चालकलाई प्रहरीले नियन्त्रणमा लिई अनुसन्धान गरिरहेको छ ।
यो बारेमा तपाईको प्रतिकृया