मन्थली, १२ मंसिर । रामेछापको खाँडादेवी गाँउपालिका वडा नं–३ का स्वास्थ्य आमा समूह हरुले नीजि खर्चमा गर्भवती पोषण नाङ्लो कार्यक्रम सुरु गरेका छन् ।
सो वडामा रहेको ईश्वर स्वास्थ्य आमा समुह सुनुवार खोकले बुधवार गाँउमा भएकी गर्भवती महिला टिना सुनुवारलाई पोषण नाङ्लो कार्यक्रम अन्तर्गतको पोषण सामाग्रीहरु हस्तान्तरण गरेको थियो ।
यस अघि सोहि वडामा रहेको लालुपाते स्वास्थ्य आमा समुह कुतुर्षाले सकुन्तला भुजेल, रविना खाती र बबिना खातीलाई,जनचेतना स्वास्थ्य आमा समूहले पोषण सामाग्री हस्तान्तरण गरेको छ भने जनचेतना स्वास्थ्य आमा समुह भिरपानी आँपचौरले स्वस्तीका कार्की, तुलसा विक लाई पोषण सामाग्रीहरु हस्तान्तरण गरिसकेका छन् ।
त्यसैगरी देवी स्वास्थ्य आमा समूह कम्रातीले दिलमाया श्रेष्ठ र रीता श्रेष्ठलाई, जनज्योती स्वास्थ्य आमा समूह सित्खाटारले अस्मिता श्रेष्ठ र गंगा श्रेष्ठलाई, जनसेवा स्वास्थ्य आमा समूह सित्खाले अन्जना र अस्मि माझी, बगैँचा सेतीदेवी स्वास्थ्य आमा समुहले नानुमाया माझी सहित कुल १३ जना गर्भवती महिलाहरुलाई उक्त कार्यक्रम अन्तर्गत पोषण सामाग्रीहरु हस्तान्तरण गरिसकिएको भिरपानी स्वास्थ्य चौकी आँपचउरका स्वास्थ्य कर्मी नारायण कृष्ण मानन्धरले जानकारी दिनुभयो ।
“हरेक बार खाना चार” अभियान अन्तर्गत सुत्केरी तथा गर्भवती महिलाहरुलाई उक्त कार्यक्रम मार्फत आफुहरुको नीजि खर्चमा पोषण समाग्रीहरु हस्तान्तरण गरिएको इश्वर स्वास्थ्य आमा समुहकी सचिब एबं महिला स्वास्थ्य स्वयम सेविका तेज कुमारी सुनुवारले बताउनुभयो । यो अभियान निरन्तर चलाउने योजना रहेको पनि उहाले बताउनु भयो ।
यो बारेमा तपाईको प्रतिकृया