मन्थली, १६ चैत्र । शुक्रवार राजावादीहरुको आन्दोलनको समाचार संकलन गरिरहेका सुरेश रजकको आगोमा जलेर भएको मृत्यू, विभिन्न मिडिया हाउस र तीनका सवारी साधनमा भएको तोडफोड एबं आगजनिको प्रयास को विरोधमा रामोछपका पत्रकारहरु पनि आन्दोलित भएका छन् ।
सो घट्नाको विरोधमा शनिवार विहान रामेछापको सदरमुकाम मन्थली स्थित देवकोटा चोकमा शोक तथा विरोध सभा कार्यक्रमको आयोजना गरिएको थियो ।
नेपाल पत्रकार महासंघ रामेछापको आयोजनामा गरिएको उक्त कार्यक्रममा धर्ना तथा शोक सभा गरिएको हो ।
सो अवसरमा जिल्लाका पत्रकारहरु देवकोटा चोकको सडकमा १ घण्टा धर्नामा बस्नुका साथै मौनधारण समेत गरेका थिए ।
कार्यक्रमका अवसरमा बोल्दै नेपाल पत्रकार महासंघ रामेछापका अध्यक्ष दिपक घिमिरेले यस्ता निष्कृष्ठ कार्य गर्ने जोसुकैलाई सरकारले कानुनी कार्वाहि गर्नुपर्ने माग गर्नुभयो । धर्ना कार्यक्रममा नेपाली काँग्रेसका कार्यवाहक सभापति लेख बहादुर कार्की र नेकपा एमाले रामेछापका निवर्तमान अध्यक्ष एबं बर्तमान प्रदेश सांसद आनन्द श्रेष्ठले पनि ऐक्यवद्धता जनाउनुभएको थियो ।
आज परेको नेपाल पत्रकार महासंघको ७० औ स्थापना दिवस विविध कार्यक्रमका साथ मनाउने तयारी भैरहेको बेला राजावादी आन्दोलनकारीहरुका कारण यस्तो कार्यक्रम गर्न बाध्य हुन दुःखको कुरा भएको आन्दोलनमा समहभागि नेपाल पत्रकार महासंघ रामेछापका पूर्व अध्यक्ष हिमाल ढुंगेलले बताउनुभयो ।
यो बारेमा तपाईको प्रतिकृया