टोकरपुरमा खोलाले बगाउदा बृद्धाको मृत्यू

मन्थली,४ बैशाख । रामेछाप जिल्लाको दोरम्बा शैलुङ गाँउपालिका स्थित टोकरपुर खोलाले बगाउदा ९२ बर्षिया वृद्ध महिला लक्ष्मी थापामगरको ज्यान गएको छ ।
सो गाँउपालिकाका अध्यक्ष मैनकुमार मोक्तानले दिनुभएको जानकारी अनुसार सोहि पालिका वडा नं ३ घर भएकी ति बृद्धा पानी परिरहेको अबस्थामा खोलामा आएको बाढि सहितको लेदोमा चिप्लिएर लडेपछि खोलाले बगाएको स्थानीय श्याम हरी कडेलले बताउनुभयो ।
बिहीवार साँझ करिव ६ बजेको सयमा उक्त स्थानमा पुगेका स्थानीयले खोलाबाट शव निकालेका थिए ।
शवको पोस्टमार्टमका लागि मन्थली अस्पतालमा ल्याइएको र घटना बारे थप अनुसन्धान भैरहेको रामेछाप प्रहरी प्रमुख प्रदिप कुमार सिंङले बताउनुभयो ।