मन्थली,२७ बैशाख । रामेछापको मन्थली नगरपालिका वडा नं ७ र ६ जोड्ने ठेडिखोला स्थित तामाकाशी नदीको पुल निर्माण कार्यको अन्तिम चरणमा पुगेको बेला भाँचिएको छ ।
४ वटा स्पान रहेको उक्त पुलको अन्तिम स्पाम ढलान सकिएको केही दिनमा नै सो पुल को विचको स्पार्म भाचिएको हो ।
सदरमुकाम मन्थली बाट करिव २ किलोमिटर दुरीमा रहेको ५४ मिटर लामो विचको स्पार्म ढलान सकिएको केही दिनमै यसरी भाचिएपछि भाचिएको पुल हेर्न जाने र सामाजिक संञ्जालमा पोष्ट गर्ने सर्बसाधारणहरुको संख्या बढेको छ ।
संघिय सरकार सडक विभागको पुल महाशाखाले उक्त पुल निर्माण गरिरहेको थियो । कुल २ सय ३० मिटर लामो र ११ मिटर चौडा उक्त पुल यही २०८२ असार मासन्त सम्ममा निर्माण सम्पन्न गर्ने गरी तिब्र गतिमा काम भैरहेको थियो ।
२०७८ सालमा कालिका – कल्पबृक्ष जेभिले भ्याट र पिएस बाहेक २२ करोड ५५ लाख ४० हजार रुपैयामा ठेक्का सम्झौता गरेको थियो । कमसल खालको सामाग्री प्रयोग गरिनु र ढलान गर्ने क्रममा हेलचेक्र्याइ गर्नु पुल भाचिनुका कारण भएको स्थानीयहरुले आशंका गरेका छन् तर यसका वारेमा विज्ञ टोली ल्याएर प्राविधिक जाँच गराउने तयारी निर्माण ब्यवसायिले गरिरहेको बताएइको छ ।
यो बारेमा तपाईको प्रतिकृया