मन्थली ,१८ जेठ । उर्जा, जलस्रोत तथा सिंचाई मन्त्री दिपक खड्काले निर्माणाधिन सुनकोशी मरिण ड्राइभर्सन आयोजनाको काम निर्धारित समयमा सम्पन्न गर्न निर्देशन दिनुभएको छ ।
आइतवार खड्काले सुनकोशी मरिण ड्राइभर्सन अन्तर्गतको रामेछापको सेलेघाट र सिन्धुलीको खुर्कोटमा निमाणाधिन ड्याम र सिन्धुलीको कुशुमटारमा भएको आयोजनाको कामको प्रगति का वारेमा अवलोकन गर्दै सोको आयोजनामा कार्यरत कर्मचारी र निर्माण ब्यवसायिलाई निर्देशन दिनुभएको हो ।
अवलोकन पछि मन्थली स्थित सेलेघाटमा रहेको आयोजनाको कार्यालयमा गरिएको अन्तरकृया कार्यक्रमका अवसरमा मन्त्री खड्काले आयोजना निर्धारित समयमा सम्पन्न गर्न सके सबैलाई फाइदा हुने भन्दै यसमा आयोजना,मन्त्रालय र निर्माण ब्यवसायि मार्फत भएका केही कमी कमजोरीहरुलाई सच्याएर कामलाई तिव्रता दिनुपर्ने बताउनुभयो । उहाँले भन्नुभयो काम हामिले गर्ने हो अरुले हैन , लक्ष प्राप्तिका लागि काम गर्नु भएन भने सरकारले अर्को बाटो पनि रोज्न सक्छ , कार्य प्रगतिका आधारमा भुक्तानी गर्छौ त्यसमा ढुक्क हुनुस ।
ठेकेदार कम्पनी रमण कन्सट्रक्सनका रमण पट्टेलले विभागबाट हुने भुक्तानी र समयावधि बढाउने लगाएतका काममा सरकारले सहयोग गरे आफुले लगातार काम गर्ने बताउनुभयो ।
उक्त आयोजनाका लागि १३ दशमलव २ किलोमिटर सुरुङको काम सम्पन्न भैसकेको छ भने हेडबक्सको काम को प्रगति भने १९ प्रतिशत मात्र भएको कार्यक्रमका अवसरमा जानकारी गराइएको थियो ।
सो अबसरमा निर्मण ब्यवसायि रमणा पट्टेलले असोज महिनामा सुनकोशी नदीमा आएको बाढिले निर्माणाधिन धेरै संरचनाहरु मा क्षति पुर्याएको र खुर्कोट पुल बाट एक पटकमा १५ टन भन्दा बढि सामान ढुवानी गर्न नमिल्ने भएकाले निर्धारित समयमा आयोजना सम्पन्न गर्न नसकिने र त्यसका लागि करिब २ बर्षको अबधि थप गर्नु पर्ने माग राखेका थिए ।
यो आयोजना सम्पन्न भएपछि तराइका ८ वटा भन्दा बढि जिल्लाका १ लाख २२ हजार हेक्टर जमिनमा सिंचाइ हुने, ३२ मेघावाट विद्युत उत्पादन हुने र कुल पानीको १० प्रतिशत पानी खानेपानीका रुपमा प्रयोग हुने बताइएको छ । कुल १४ अर्वको यो आयोजना १ अर्व २० करोड खर्च भैसकेको पनि बताइएको थियो ।
यो बारेमा तपाईको प्रतिकृया