मन्थली, ७ असार । “सिंगो पृथ्वी र मानव स्वास्थ्यका लागि योग” भन्ने मूल नाराका साथ ११ आंै अन्तराष्ट्रिय योग दिवस –२०२५ आज रामेछापको मन्थलीमा पनि विविध कार्यक्रमका साथ मनाईएको छ ।
सो अवसरमा प्रभातफेरी, प्रवचन, सास्कृतिक कार्यक्रम र योगका विभिन्न नमूना अभ्यासहरूको प्रदर्शन गरिएको थियो ।
कार्यक्रमका अवसरमा विहान मन्थली वजारमा गरिएको थियो भने उक्त ¥याली ब्रम्हकुमारी राजयोग सेवा केन्द्र मन्थलीमा पुगेर योग सँग सम्बन्धित प्रवचन, गीत, कविता वाचन गर्नुका साथै पतन्जलीयोग समिति र जिवन विज्ञानका साधक साधिकाहरूले विभिन्न खालका योगका नमूना अभ्यासहरू प्रदर्शन गर्नु भएको थियो । जस अन्तर्गत पदहस्त आसन, बृक्षाशन, सूर्य नमस्कार आदिरहेका थिए ।
सो अवसरमा ब्राम्ह्ण समाजका अध्यक्ष केशब प्रसाद घिमिरेले योग सँग सम्बन्धित कविता वाचन गर्नुभएको थियो भने रामेछाप बजारका योग प्रशिक्षक प्रदिप श्रेष्ठले संगितमय गायत्री मन्त्र वाचन गर्दै गीत समेत सुनाउनु भएको थियो ।
जिल्ला स्तरीय योग दिवस मूल समारोह समितिका संयोजक एबं प्रमुख जिल्ला अधिकारी वाल कृष्ण थापाको अध्यक्षता र जिल्ला समन्वय समितिका उपप्रमुख प्रेम बहादुर थापाको प्रमुख आतित्थ्यतामा उक्त कार्यक्रम सम्पन्न भएको थियो । सो अवसरमा पतन्जली योग समितिका अध्यक्ष जगन्नाथ दाहाल, मन्थली सहिद स्मृति बहुमुखी क्याम्पसका प्रमुख डा. भरत कुमार श्रेष्ठ, ब्रम्हकुमारी सीता दिदी लगाएतले आ–आफ्नो मन्तब्य राख्नुभएको थियो ।
यो बारेमा तपाईको प्रतिकृया