मन्थली,९ साउन । जिल्ला प्रशासन कार्यालय रामेछापले विहीबार रामेछाप नगरपालिका वडा नं –७ सुकाजोरका अपाङ्गलाई घरमै पुगेर नागरिकता दिएको छ ।
अशक्त एबं अपाङ्ग नागरिकलाई घरदैलोमै सेवा दिनु पर्छ भन्ने मान्यता अनुरुप प्रमुख जिल्ला अधिकारी श्याम कृष्ण थापाले सो वडा की १७ वर्षिय अपाङ्ग टिकाबहादुर खत्रीलाई घरमै गएर नागरिकता दिनुभएको हो ।
यस अघि मन्थली नगरपालिका वडा नं १३ फुलासीकी ४९ बर्षिया अपाङ्ग शान्ति बुढा लाई पनि उहाले घरमै पुगेर नागरिकता दिनुभएको थियो ।
बिहीबार प्रमुख जिल्ला अधिकारीको नेतृत्वमा त्याहा पुगको नासु लक्ष्मण भुजेल वडा अध्यक्ष समिर कार्की लगाएतको समुहले उहाँलाई नागरिकता हस्तान्तरण गरेको हो ।
यसरी प्रमुख जिल्ला अधिकारीनै आफ्नो वडामा आएर अशक्त लाई घरमै नागरिकता दिएको प्रति वडा अध्यक्ष समिर कार्कील खुसी ब्यक्त गर्नुभयो ।
सरुवा भएर आएको दुई महिनाका विच उहालै कहिले अपाङ्गलाई घरमै गएर त कहिले पालिका स्तरबाट राष्ट्रिय परिचय पत्रको विवरण संकलन गर्ने काम गरिरहनु भएको छ ।
अब नागरिक सरकारको दैलोमा हैन कि सरकार चाही नागरिकको घरदैलोमा पुगेर सेवा दिनु पर्छ भन्ने मुल मान्यता बोक्नु भएका प्रमुख जिल्ला अधिकारी थापाले बुधवार देखि राष्ट्रिय परिचय पत्र को विवरण संकलन र यस अघि विवरण संकलन गरिएकाहरुको परिच पत्र वितरण पनि सुनापति गाँउपालिकाको वडा नं –५ बाट सुरु गर्नु भएको छ ।
पछिल्लो समयमा राज्यले हरेक क्षेत्रमा राष्ट्रिय परिचय पत्र अनिवार्य गरिदिए पछि जेष्ठ नागरिक ,अपाङ्ग र असक्त लाई भने जिल्ला सदरमुकाम सम्म पुगेर राष्ट्रिय परिचय पत्रको विवरण दिनका लागि निक्कै मुस्किल भैरहेको थियो ।
नयाँ आर्थिक वर्ष २०८२ ÷०८३ सुरु भए भएसँगै जिल्ला प्रशासनमा पनि सामाजिक सुरक्षा भत्ता नबिकरण लगायतका कार्यमा अनिवार्य जस्तै बन्दै गएपछि जिल्ला प्रशासन कार्यालय रामेछापमा विवरण सङ्कलन गराउनेकाे हिजाे अाज भिड लाग्ने गरेको छ ।
यो बारेमा तपाईको प्रतिकृया