मन्थली,१ पुष । मन्थली सामुदायिक खानेपानी उपभोक्ता तथा सरसफाई समितिको मिनि साधारण सभाहरु धमाधम भैरहेका छन् । यही पुष १० गते हुने २३ औं साधारण सभा एबं ८ औं अधिबेशनलाई लक्षित गरी समितिले मिनि साधारण सभाहरु सञ्चालन गरिरहेको हो । यही कार्तिक २५ गते एरिया नं २ र ३ बाट सुरु गरिएकोे मिनि साधरण सभा पुष २ गते एरिया नं १ को सानिटार, मदौ मा सम्पन्न गरे सँगै सकिदैछ । यस अघि कार्तिक २६ गते एरिया नं ७ र पुष १ गते एरिया नं ४, ५ र ६ को साधारण सभा सम्पन्न भएको थियो ।
मिनि साधारण सभाका अबसरमा बोल्ने अधिकांस उपभोक्ताहरुले हाल कायम रहेको न्यूनतम १५ हजार लिटर सम्मको रकम ४ सय लाई घटाएर ३ सयमा झार्नुपर्ने वा ४ सयमै न्यूनतम २० हजार लिटर बनाउनु पर्ने माग गरेका छन् ।
सो अबसरमा बोल्दै मन्थली सामुदायिक खानेपानी उपभोक्ता तथा सरसफाई समितिका अध्यक्ष पुर्ण सुवेदीले उपभोक्ताहरुको मागलाई ध्यानमा राखि उक्त प्रस्ताब यही १० गते हुने समितिको २३ औ साधारण सभा एबं आठौं अधिबेशनमा एजेन्डाका रुपमा लैजाने र सबै प्रतिनिधिहरुले पास गरको खण्डमा त्यो लागु गर्ने प्रतिबद्धता जनाउनुभयो ।
मिनि साधारण सभाबाट प्रत्येक क्षेत्रमा रहेका धारा संख्याका आधारमा १० प्रतिशतका दरले प्रतिनिधि पनि छनौट भैरहेकाे समितिका काेषाध्यक्ष कृष्ण बस्नेतले नेपाल अभियानलाइ जानकारी दिनुभयो ।
यो बारेमा तपाईको प्रतिकृया