मन्थली,२ माघ । रामेछाप जिल्ला सहकारी संघ रामेछापको नयाँ निर्वाचित सञ्चालक समिति का पदाधिकारी एबं सदस्यहरुको पदभार ग्रहण कार्यक्रम सम्पन्न भएको छ ।
संघका नव निर्वाचित अध्यक्ष हिमाल ढुंगेल सहित ९ जना सञ्चालक समिति र ३ जना लेखा तथा सुपरिवेक्षण उप समितिका सदस्यहरुलाई निर्वाचन समितिका संयोजक गोबिन्द प्रसाद घिमिरेले एक समारोहका साथ सपथ ग्रहण गराउनु भएको हो ।
यस अघि पुष २९ गते सम्पन्न रामेछाप जिल्ला सहकारी संघको आठांै बार्षिक साधारण सभाले अध्यक्ष, उपाध्यक्ष, सचिब र कोषाध्यक्षमा क्रमशः हिमाल ढुङ्गेल, पवन कुमार कठायत, योगेन्द्र श्रेष्ठ, छत्रवीर श्रेष्ठ लाई सञ्चालक समितिको पदाधिकारीमा, बद्री प्रसाद घिमिरे, रिता मगर, रञ्जु कुमारी घिमिरे, सुनिता तामाङ, र धु्रव कुमार थापालाई सदस्यमा निर्वाचित गरेको थियो ।
त्यसैगरी, उमेश विक्रम थापा, रमेश ढुंगेल र राजेन्द्र बहादुर कार्कीलाई लेखा तथा सुपरीवेक्षण उप समितिको क्रमशः संयोजक र सदस्यहरुमा निर्वाचित गरको थियो ।
पदभार कार्यक्रममा बोल्दै निर्वाचन समितिका संयोजक गोबिन्द घिमिरेले सहकारीक्षेत्र निक्कै चुनौतिपुर्ण बन्दै गएकोले चनाखो भई काम गर्न अनुुरोध गर्नुभयो । जिल्ला वचत संघका अध्यक्ष जगन्नाथ दाहालले नवनिर्वाचित सञ्चालक समितिलाई धन्यवाद दिंदै सहकारी क्षेत्रमा मेहनत पूर्वक लाग्न सके मात्र यसको दीगो विकास गर्न सकिने बताउनुभयो ।
पदभार ग्रहण गर्दै नवनिर्वाचित अध्यक्ष हिमाल ढुंगेलले धेरै आरोह अवरोह पार गदै यहाँ सम्म आइपुगेको यस संस्थालाई अगाडि बढाउन फेरी आफ्नो नेतृत्वमा नयाँ सञ्चालक समिति लाई जिम्मेवारी आएकोले सबैले इमान्दार पुर्वक काम गर्नुपर्ने कुरालाई जोड दिनुभयो ।
यो बारेमा तपाईको प्रतिकृया