मन्थली, ११ फागुन । यही फागुन २१ गते हुन लागेको प्रतिनिधि सभा सदस्य निर्वाचनका लागि मुख्य निर्वाचन अधिकृतको कार्यालय रामेछापमा सोमबार साझ मतपत्र आइपुगेको छ ।
नेपाली सेनाको कडा सुरक्षाका बीच काठमाण्डौ बाट उक्त मतपत्र ल्याइएको थियो ।
प्रत्यक्ष तर्फ २ लाख २० हजार र समानुपातिक तर्फ कूल २ लाख ५ हजार मत पत्र जिल्लामा प्राप्त भएको मुख्य निर्वाचन अधिकृत राजेन्द्र नेपालले बताउनुभयो ।
उक्त मत पत्र –रामेछाप जिल्लाका विभिन्न निर्वाचन केन्द्र्मा खटाइएका ्कुल एक हजार तीन सय चौरहत्तर जना कर्मचारीहरु लाई आ–आफ्नो केन्द्रमा पठाउदा सँगै पठाउने तयारी भैरहेको पनि मृख्य निर्वाचन अधिकृत नेपालले बताउनुभयो ।
निर्वाचनका लागि खटाइएका दुई सय तीस जना मतदान अधिकृत र सोही संख्यामा खटाइएका सहायक मतदान अधिकृत हरुलाई मंलवार देखि निर्वाचन सम्बन्धि अभिमुखीकरण तालिम दिएर १८ गते सम्ममा सम्बन्धित मतदान केन्द्रमा पठाइने पनि उहाँले बताउनुभयो ।
मंगलबार रामेछापको सदरमुकाम मन्थलीमा अभिमुखीकरण गराएर फागुन १८ गते सम्म फिल्डमा कर्मचारी खटाउने तयारीमा रहेको मुख्य निर्वाचन अधिकृतको कार्यालयले कर्मचारी सँगै मतपेटिका, मतपत्र लगायत निर्वाचनका अन्य आवश्यक सामाग्री समेत सँगै पठाउने तयारी गरिरहेको छ ।
एक मात्र निर्वाचन क्षेत्र रहेको यस जिल्लामा ९६ हजार ८ सय ९२ पुरुष र ९१ हजार ६० जना महिला गरी कुल १ लाख ७९ हजार ९ सय ५२ जना मतदाता रहेका छन् ।
दुई सय तीस वटा मतदान केन्द्र रहेको यस जिल्लामा फागुन २१ हुन लागेको निर्वाचनमा रामेछापमा तीन जना स्वतन्त्र सहित १४ राजनीतिक दलका प्रतिनिधिहरू सहित १७ जनाले उमेद्वारी दर्ता गराएर आ आफ्नो पक्षमा मत पार्न दौडधुप गरिरहेका छन् ।
यस पटकको निर्वाचनमा भने मुख्य एवं पुराना राजनीतिक दलहरू बिच नै कडा प्रतिस्पर्धा हुने संम्भावना देखिएको छ ।
यो बारेमा तपाईको प्रतिकृया