मन्थली,५ बैशाख । रामेछाप होटल तथा पर्यटन ब्यवसायी संघको मन्थलीमा शनिवार सम्पन्न तेस्रो अधिबेशनले गणेश थपलियाको नेतृत्वमा १६ सदस्यिय नयाँ कार्यसमिति निर्विरोध चयन गरेको छ ।
यसरी चयन हुने पदाधिकारीहरुमा बरिष्ठ उपाध्यक्ष कृष्ण चौलागाँई, खुल्ला उपाध्यक्ष मेनुका महत र महिला उपाध्यक्ष सुमिका श्रेष्ठ रहनु भएको छ भने महासचिब,सचिब र सह सचिबमा क्रमश मनोज कुमार श्रेष्ठ,उमेश श्रेष्ठ, सुमन खड्का हनु भएको त्यसैगरी कोषाध्यक्ष र सह कोषाध्यक्षमा क्रमशः लक्ष्मी श्रेष्ठ, मन्दिरा कर्माचार्य रहनु भएको छ भने सदस्यहरुमा क्रमशः सुुजन श्रेष्ठ,सबिन कार्की,कुमार बस्नेत,बिनोद घिमिरे,कमल बस्नेत र शारदा बस्नेत कार्की रहनु भएको छ ।
कार्यक्रमको उद्घाटन गर्दै मन्थली नगर प्रमुख एबं कार्यक्रका प्रमुख अतिथि लव श्रेष्ठले होटल तथा पर्यटनको क्षेत्रमा आफुले सकेको सहयोग गर्ने तर त्यसका लागि नगरले कस्ता खालका कार्यक्रमहरु ल्याउदा पर्यटन प्रवद्र्धन हुने भन्ने कुराको उचित सल्लाह सुझाव दिनुपर्ने बताउनुभयो ।
उहाले भन्नुभयो मन्थली नगरपािलकाले होमस्टे सञ्चालनका लागि नगर क्षेत्रका विभिन्न वडाहरुमा सहयोग गरेको भएपनि हाल आएर केहि होमस्टेहरु भने बन्द हुने अबस्थामा पुगेकोले पनि यसलाई सबैले सहयाेग गरेर सञ्चालनलमा ल्याउनु पर्दछ ।
संस्थाका अध्यक्ष कबिन्द्र तामाङको अध्यक्षतामा सम्पन्न उक्त कार्यक्रमको अबसरमा होटल तथा पर्यटन ब्यवसायी महासंघलाई सहयोग गर्ने विभिन्न निकायहरुलाई सम्मान गरिएको थियो ।
यो बारेमा तपाईको प्रतिकृया