मन्थली २९ बैशाख । रामेछापको मन्थली नगरपालिका स्थित मन्थली नगर अस्पतालको आयोजना र काठमाण्डौ मेडिकल कलेजको प्राविधिक सहयोगमा सञ्चालन गरिएको एक दिने निःशुल्क स्वास्थ्य शिविरमा एक हजार पचपन्न जना लाभान्वित भएका छन् ।
सोमबार विहान देखि सुरु भएको उक्त शिविर साझ ७ बजे सम्म सञ्चालन भएको थियो । शिविरमा जनरल सेवा, स्त्रीरोग, वालरोग, शल्यकृया, हार्डजोर्नी, नाशा सम्बन्धी, आँखा, दन्त, नाक, कान,घाँटी सम्बन्धि सेवाहरु निःशुल्क पाइने भएकोले मन्थली नगर अस्पतालमा सेवा ग्राहीहरुको विहान देखिनै भिड लागेको थियो ।
अघि पछि पनि दैनिक जसो तीन सयको हाराहारीमा सेवा ग्राहीहरु आउने गरेको भएपनि नगर अस्पतालमा निक्कै कम दरबन्दि भएका कारण गुणस्तरीय स्वास्थ्य सेवा प्रवाहमा कठीनाई भैरहेको मन्थली नगर अस्पतालका कार्यालय प्रमुख केशब सिं धामीले बताउनुभयो ।
उहाँले भन्नुयभो – जिल्लामा बिशेषज्ञ सेवा सहितको शिविर बेला बेलामा सञ्चालन गर्न सके धेरै विरामीहरुकोउपचारमा सहयोग पुग्ने थियो । यस शिविरबाट विभिन्न खालका शल्यकृया गर्नका लागि छनौट भएका दश जना विपन्न लाई निशुल्क र त्यस भन्दा बढि रामेछापका नागरिकहरुलाई अबस्था हेरी ५० प्रतिशत सम्म छुट गर्ने गरी विरामीहरु समेत छनौट भएको काठमाण्डौ मेडिकल कलेजका संञ्चालक सदस्य गुणराज भट्टराईले बताउनुभयो ।
कम खर्चमा बढी सुबिधा लिन पाइने भएकोले आफु जस्ता महिलाहरुको लागि यो शिविर बरदान सावित भएको मन्थली न पा ३ की सेवाग्राही सरीता खड्का खत्रीले बताउनुभयो । उहाँले भन्नुभयो चुलो चौको र घरायसी ब्यवहार छोडेर निस्कनै मुुस्किुल हुने महिलाहरुको खर्च र सयमयको बचत भएको छ यो शिविरका कारण ।
ग्रामिण भेगमा वसोवास गर्ने , शहरमा उपचारका लागि जान नसक्ने हरुका लागि यो शिविर निक्कै महत्वपूर्ण भएको मन्थली नपा ७ का सेवाग्राही हेम बहादुर थापामगरले बताउनुभयो ।
उहाले भन्नुभयो रामेछाप जस्तो पहाडि जिल्लामा विशेषष सुेवा सहितको सुबिधा पाउनु हाम्रा लागि गौरवको कुरा हो । अब यस्ता शिविरहरु बेला बेलामा भइरहनु पर्छ जसले गर्दा धेरै रोगीहरुको उपचार राम्रो हुने थियो ।
यो बारेमा तपाईको प्रतिकृया