मन्थली,२८ जेठ । ब्रम्हाकुमारी राजयोग सेवा केन्द्र मन्थलीले नोपलको सर्बोच्च शिखर सगरमाथाको आरोहण गर्ने मन्थली नगरपालिका वडा नं १ का धानु कुमार श्रेष्ठलाई विहीवार सम्मान गरेको छ ।
पर्यटन विषयमा अध्ययन गर्दै गरेका २५ बर्षिय श्रेष्ठले २१ दिन अघि मात्र सर्बोच्च शिखर सगरमाथाको आरोहण गर्नुभएको थियो ।
यही जेठ ७ गते सगरमाथा आरोहण गर्न सफल हुनुभएका श्रेष्ठलाई जिल्लाका विभिन्न संघ स्ांस्थाहरुले अभिनन्दन गरिरहेका छन् ।
कार्यक्रमका अबसरमा बोल्दै आरोही श्रेष्ठले अघिल्लो बर्षको प्रयास सफल नभएपछि दोस्रो पटकको जोखिम पुर्ण प्रयासमा आफु ८ हजार ८ सय ४८ मिटर अग्लो विश्वको सर्बोच्च शिखर सगरमाथाको आरोहण गर्न सफल भएको बताउनुभयो । उहाँले आफु सँगै गएका केही साथीहरू सामान्य हेलचेक्र्याइका कारण नफर्किएको दुखद स्मरण सुनाउदै यस्ता सम्मानले आफुलाइ अझै प्रेरणा जागेको बताउनुभयो ।
यसै वीच करिब १ रामेछाप जिल्लाको बर्षको बसाई पछि रामेछाप बाट सरुवा भइ सप्तरी जिल्ला जान लाग्नु भएका प्रमुख जिल्ला अधिकारी श्याम कृष्ण थापालाई ब्रम्हाकुमारी राजयोग सेवा केन्द्रकी ब्रम्हाकुमारी राजयोगीनी विष्णु वहिनीले फेरी भेटौला भन्दै इश्वरीय सौगात प्रदान गर्नु भएको थियो । कार्यक्रमका अबसरमा बोल्दै प्रजिअ थापाले जिल्लामा बस्दा सबै संघ संस्था, राजनैतिक दल, सञ्चारकर्मी र अन्य निकायहरुको राम्रो सहयोग प्राप्त भएकोमा खुसी ब्यक्त गर्नु भयो ।
जिल्ला प्रशासन कार्यालय मार्फत आफ्नो कार्यकालमा भए गरेका कामको बारेमा बुधवार कार्यालयमै सञ्चारकर्मीहरुसँग एक अन्तरकृया समेत आयोजना गरिएको थियो ।
यो बारेमा तपाईको प्रतिकृया