रामेछाप– प्रमुख जिल्ला अधिकारी रुद्रादेवी शर्माले मानव अधिकार अबस्था अनुगमन समितिले जिल्लामा धेरै काम गर्न आबश्यक रहेको बताउनुभएको छ । मानव अधिकार अवस्था अनुगमन समितिले मन्थीमा बुधवार आयोजना गरेको जिल्ला स्तरीय अनुगमन समितिको चिनारी एबं काम कर्तब्य अधिकारको बारेमा जानकारी गराउने कार्यक्रमका अबसरमा प्रजिअ शर्माले यस्तो बताउनुभएको हो ।
उहाँले कोरोना भाइरसका कारण मुलुकभर लकडाउन भैरहेको अबस्थामा जिल्लामा स्थानीय प्रशासनले गरेका कामहरु, संक्रमण फैलिन नदिन अपनाइएका उपायहरु, बजारमा मुल्य बृद्धिको अबस्था एबं समाजिक दुरी पालना भए नभएको बारेमा अनुगमन गरी आफुलाई जानकारी दिन समितिलाई अनुरोध गर्नुभयो ।
प्रजिअ शर्माले जिल्लामा हिंसात्मक गतिबिधिहरु आत्महत्या बढ्नुमा कोभिड˗ १९ वा अन्य कारण के हुन सक्छ सो का बारेमा अनुगमन हुनुपर्ने, बेलाबेलमा जिल्लामा फेला परेका बेवारिसे महिलाहरुलाई ब्यवस्थापन गर्नका लागि पनि यस समितिले पूर्ण रुपमा सहयोग गर्नुपर्ने बताउनु भयो ।
त्यस्तै प्रहरी नायब उपरिक्षक बसन्त पाठकले बर्तमान अबस्थामा जिल्लामा मनोसामाजिक रोगिहरु पनि देखिन थालेकोले उनीहरुको उपचारको लागि पनि समितिले समन्वयात्मक ढंगबाट काम गर्नु पर्ने कुरालाई जोड दिनुभयो । कोभिड ˗१९ को संक्रमण मुलुकभर फैलिइ रहेको बेलामा यस समितिले सो सम्बन्धी बिभिन्न कुराहरुको अनुगमन गरी सल्लाह सुझाब दिन समेत अनुरोध गर्नुभयो ।
त्यसैगरी मन्थली नगरपालिकाका न्यायिक समितिका सदस्य नारायण बोगटीले जिल्लामा भएको लकडाउन र कोरोना भाइरसको संक्रमण फैलिन नदिनका लागि स्थानीय प्रशासनले गरेको पहल पालिका र जिल्ला स्तरमा भएको क्वारेन्टाइन कक्ष, आइसोलेशन वार्ड र बजारमा हुनेगरेको चहलपहल र पालना भए नभएको समाजिक दुरीका बारेमा अनुगमन गरी सम्बन्धित निकायलाइ ध्यानाकर्षण गराउन यो समितिको महत्वपूर्ण भूमिका हुने बताउनुभयो ।
नेपाल पत्रकार महासंघका अध्यक्ष एबं कोभिड १९ का सन्दर्भमा गठित जिल्ला स्तरीय मानव अधिकारको अबस्था अनुगमन समितिका संयोजक रमेश ढुंगेलले जिल्लामा गठित समिति, त्यसको काम कर्तब्य र अधिकार, उद्धेश्य, कृयाकलाप, चुनौति र अपेक्षाका बारेमा जानकारी गारउनु भएको थियो । संयोजक ढुंगेलले बिश्वब्यापी रुपमा पैmलिरहेको कोरोना भाइरस (कोभिड–१९) बाट उत्पन्न बर्तमान जटिल परिस्थितिमा मानव अधिकारको अबस्था अनुगमन गर्न राष्ट्रिय मावन अधिकार आयोगको परिपत्र अनुसार ७७ वटै जिल्लामा जिल्ला स्तरीय समिति गठन गर्ने अभियान अन्तर्गत रामेछाप जिल्लामा पनि पनि नेपाल पत्रकार महासंघ, गैर सरकारी संस्था महासंघ, रामेछाप वार इकाइ र २ जना अधिकार कर्मी सहितको ५ सदस्यीय समिति गठन भएको जानकारी गराउनु भएको थियो ।
त्यस्तै कार्यक्रममा दिएका सुझव अनुसारनै समितिले काम गर्ने समेत अध्यक्ष ढुंगेलले प्रतिबद्धता जनाउनुभएको छ ।
यो बारेमा तपाईको प्रतिकृया