रामेछाप–रामेछाप जिल्लाको मन्थलीमा कुकुर आतंक फैलिएको छ । शनिबार बिहान मात्र एउटै कुकुरले ९ जना मानिसहरुलाई टोकेको थियो ।
कुकुरको टोकाईबाट घाइते भइका ४ जनाको काठमाण्डौमा उपचारका लागि लगिएको छ भने १ जना तामाकोशी अस्पताल र अन्य ४ जनाको प्रथमिक स्वास्थ्य केन्द्र मन्थलीमा उपचार भैरहको छ ।
उनीहरु मध्ये कसैलाई अनुहारमा,कसैलाई छातिमा र कसैलाई गोडामा टोकेको थियो ।
मानिसहरुलाई टोक्ने कुकुरलाई मार्न नपाइने कानून भएकाले समस्या भैरहेको मन्थली नगरपालिकाका प्रमुख रमेश कुमार बस्नेतले बताउनुभयो ।
मन्थली नगरपालिका वडा नं १ का वडा अध्यक्ष नारायण दाश श्रेष्ठ आक्रोस हुँदै भन्नुभयो–कुकुरले टोकेका दर्जनौ मानिसहरुको बेलामा उपचार नहुँदा उनीहरु मर्न चाहि हुने तर कुकुर मार्न नपाइने यो कस्तो कानून हो ? कानून लागे लागोस तर मेरो वडामा भएको कुकुर आतंकलाई साम्य पार्न स्थानीय बासिन्दाको सहयोगमा यस्ता कुकुरहरुको ब्यवस्थापन ब्यबहारीक ढंगबाट गर्छु । म कुकुरको ज्यान भन्दा मानिसको जिउ ज्यान सँग सम्बेदनसिल छु ।”
उक्त कुकुरलाई शनिबार बिहाननै मन्थली १ का स्थानीय बसीहरुले दाउराको चिरपटले हानेर मारिदिएका छन् ।
यो बारेमा तपाईको प्रतिकृया