रामेछाप २५ कार्तिक । रामेछाप जिल्लाको लिखु तामाकोशी गाउँपालिकाको धोवि बजारमा गैरकानूनी रुपमा पोलीक्लिनिक सञ्चालन हुन लागेको छ ।
त्यसका लागि लगानीकर्ताहरुले पहिलो चरणमा बजारको मध्य भागमा घर भाडामा लिएर औषधि पसल संचालनमा ल्याउनुका साथै पोलिक्लिनिकका लागि आवश्यक सवै सामाग्री समेत तयार पारिसकेका छन् ।
पोलिक्लिनिक तथा औषधि पसल संचालनका लागि एक्स–रे प्राविधिकको मात्र अनुभब भएका विकेश चौधरी र शुसिल खड्काले काम गरिरहेका छन् ।
जस अन्तर्गत उनीहरुले पहिलो चरणमा गर्नुपर्ने गाँउपालिकाको कुनै पनि निकाय सँग समन्वय नगरी पोलिक्लिनिक र औषधि पसल विना दर्ता र विना ईजाजत सञ्चालन गरेको स्थानीयले बताएका छन् ।
यस सम्बन्धमा गाँउ पालिकाका प्रमुख प्रशासकिय अधिकृत धनेन्द्र भुजेलले यस विषयमा आफु अनभिज्ञ रहेको बताउनुभयो । उहाले अहिले सम्म यस बारेमा आफुलाई कतैबाट पनि सूचना नआएको र पालिकामा उक्त पोलिक्लिनिक तथा औषधि पसल सुचिकृत हुन आईनसेकेको बताउनु भयो । उहाँले यसरी अबैधरुपमा सञ्चालन भएको पाईएमा पालिकाबाट पनि आवश्यक कानूनि कार्वाहिको प्रकृया अघि बढाउने पनि बताउनुभयो ।
यस अघि पनि सो गाउँपालिकाको धोबि बजारमा स्थानीय स्वास्थ्य चौकिमा कार्यरत स्वास्थ्य कर्मीले बिना ईजाजत औषधि पसल र क्लिनिक सञ्चालन गरेको पुष्टि भएपछि उक्त औषधि पसल र क्लिनिक जिल्ला स्वास्थ्य कार्यालय रामेछापले हटाएको थियो । यस पालिकाको धोवि बजारमा साहारा स्वास्थ्य क्लिनिक,वडा नं –२ को सिरिसेमा सरीता ड्रग हाउस र वडा न–६ को खिम्ति बजारमा जाल्पा देवी क्लिनिक गरी ३ वटा औषधि पसलहरु सञ्चालनमा रहेका छन् ।
यो बारेमा तपाईको प्रतिकृया