अब सभा सम्मेलन गर्न नपाइने,माक्स अनिवार्य

रामेछाप, १३ चैत्र । छिमेमकी मुलुक भारतमा कोरोना संक्रमितहरुको संख्या वढ्दै गएपछि जिल्ला प्रशासन कार्यालय रामेछपले जिल्लामा सभा सम्मेलन नगर्न र वाहिर डिडडुल गर्दा अनिवार्य माक्स लगाउन उर्दि जारी गरेको छ
प्रशासनले विज्ञप्ती जारी गरी सदरमुकाम मन्थली लगायत जिल्लाको सबै बजार केन्द्र र पालिकाहरू माक्सको प्रयोगलाई अनिवार्य गरेको हो ।
नेपालमा पनि कोभिडको संक्रमण बढ्न थाले संगै मास्कको प्रयोगकर्ताहरु घटेपछि यसबाट जोगिनका लागि प्रशासनले शुक्रबार बाट जिल्लाको सबै पालीका,सडक यात्री सर्बसाधारण र बजार केन्द्रहरूमा समेत मास्क अनिवार्य गरेको छ ।
जिल्ला प्रसासन कार्यालयको विहिबार बसेको जिल्ला स्तरिय संकट ब्यवस्थापन केन्द्रको निर्णय अनुसार शुक्रबारबाट लागु हुने गरी बजार बाहेक सबै सरकारी तथा गैर सरकारी कार्यालय प्रवेशमा समेत मास्क अनिवार्य गरेको हो ।
प्रमुख जिल्ला अधिकारी गौलोचन सैजुले विज्ञप्ती जारी गर मास्क अनिवार्य गर्ने गरि गरिएको सरकारी निर्णयको सबैलाई पालना गर्न पनि आग्रह गरिएको छ । विज्ञप्तीमा निर्णयको पालना नगरेको पाईएमा संक्रमण रोग ऐन अन्तर्गत कार्वाहि हुने सम्मको चेतावनी समेत दिइएको छ ।
विज्ञप्तिमा छिमेकी मुलुक भारतमा कोरोनाको संक्रमण ह्वात्तै बढेको र त्यसको असर नेपालमा पनि पर्न सक्ने कुरालाई मध्यनजर राखि पुर्व सचेतनाको कुरालाई ख्याल गर्दै जिल्लामा सभा,सम्मेलन तथा भिडभाड हुने खालका कुनै पनि कृयाकलापहरु समेत सचालन नगर्न पनि अनुरोध गरिएको छ । त्यसैगरी जिल्लाका सबै आईसुलेसन कक्ष र क्वारेन्टीन कक्षलाई तयारी अबस्थामा राख्न जिल्लाका सबै पालिकाहरुलाई अनुरोध गरिएको छ ।