रामेछाप,१९ बैशाख । जिल्ला स्तरीय संकट ब्यवस्थापन केन्द्र रामेछापले जिल्लामा निषेधाज्ञा जारी गर्ने निर्णय गरेको छ ।
आइतवार बसेको सो केन्द्रको बैठकले रामेछाप जिलामा बैशाख २० गते सोमवार राती १२ बजे देखि लागु हुने गरी २७ गते राती १२ वजे सम्मका लागि (एकसाता) निषेधाज्ञा जारी गर्ने निर्णय गरेको हो ।
विश्वव्यापी रुपमा फैलिरहेको नयाँ भेरिएण्ड सहितको कोभिड–१९ को संकमण तिव्र रुपले फैलिएको भन्दै केन्द्रले जिल्लाको विभिन्न जोखिम क्षेत्रको पहिचाहन गरी निषेधाज्ञा जारी गर्ने निर्णय गरेको हो ।
केन्द्रको बैठकले मन्थली नगरपालिकाको वडा नं. १ को मन्थली बजार,वडा नं २ को करम्बोट,वडा नं ३ को ठूलीमदौ, वडा नं ६ को कुनौरी र सेलेघाट, वडा नं ७ को मुगिटार, वडा नं ८ को गाइखुरा, वडा नं १२ को देबिटार र वडा नं १४ को फुलासी पोखरीमा निषेधाज्ञा जारी गर्ने निर्णय गरेको छ ।
त्यसैगरी गोकुलगंगा गाउँपालिकाको वडा नं १,४ र ५ लाई पनि जोखिम युक्त क्षेत्र तोकीएको छ । सो अबधिमा विहान ६ बजेदेखि ९ बजे र साँझ ५ बजे देखि ७ बजे सम्म मात्र बजारका सबै पसल र होटल खोल्न पाउने निणय पनि गरेको छ । बैठकले एक हप्ता सम्मका लागि एम्बुलेन्स सेवा,खाधन्न सामाग्री, निर्माण सामाग्री ढुवानी बोकेका माल बाहाक गाडी र संचार माध्यम र तिनका प्रतिनिधि चढेको बाहेक अन्य सबै यातायातका साधन चल्न नदिने समेत निर्णय गरेको छ । निषेधाज्ञा अवधिभर अत्यावश्यक सेवा तथा तोकिएको सेवा बाहेकका अन्य सेवा बन्द गरिएको प्रमुख जिल्ला अधिकारी गौलोचन सैजुले बताउनु भयो ।
यो बारेमा तपाईको प्रतिकृया