रामेछाप,१९ बैशाख । विश्वव्यापी रुपमा फैलिरहेको भेरियण्ड सहितको नयाँ कोभिड–१९ को संकमण तिव्र रुपले पैmलदै गइरहेको अबस्थालाई मध्यनजर गर्दै नेपाल पत्रकार महासंघ वागमती प्रदेशले अध्यक्ष शिव देवकोटाको अध्यक्षतमा ११ सदस्यीय ¥यापिड रेस्पोन्स टिम गठन गरेको छ ।
महासंघको शनिवार बसेको भर्चुअल (जुम) बैठकले कोभिड –१९ को जोखिममा रहेका पत्रकारहरूलाई परेको समस्या,सम्बोधन र जोखिम न्यूनिकरणको लागि पूर्व तयारी स्वरुप उक्त टिम गठन गरेको हो ।
बैठकले कोभिड–१९ को खोप लगाउन वाँकी रहेका सञ्चार कर्मीहरूलाई खोप लगाउन र स्वस्थ्य सतर्कता अपनाएर मात्र कार्य क्षेत्रमा खटिन आग्रह गर्ने निर्णय गरेको छ ।
त्यसैगरी कोभिड– १९ को जोखिमका कारण सकेसम्म घरमै वसेर काम गर्ने वातावारण निर्माणकोलागि सम्बन्धीत सञ्चार माध्यमहरुलाई आग्रह गर्ने,आफ्नो सञ्चार गृहमा रहेका सञ्चारकर्मी हरूलाई स्वास्थ्य सतर्कता सामाग्रीहरू उपलब्ध गराउन पनि आग्रह गर्ने निर्णय पनि गरेको छ । त्यसैगरी कोभिड जोखिमको बहानामा सञ्चारकर्मीहरूलाई बेतलवी विदामा नराख्न र निष्काशन नगर्न पनि अनुरोध गरिएको छ ।त्यसैगरी कोभिड महामारी बाट प्रभाबित बनेको सञ्चार क्षेत्रलाई परेको आर्थिक क्षति न्यूनिकरणका लागि संघिय प्रदेश र स्थानीय सरकारलाई आग्रह गर्ने निर्णय गरेको महासचिब कृष्ण सारु मगरले बताउनुभयो ।
यो बारेमा तपाईको प्रतिकृया