रामेछापमा कोरोना पोजेटिभ हुने पत्रकारहरूको संख्या १० पुग्यो

रामेछाप,२८ बैशाख । रामेछाप जिल्लामा कोरोना पोजेटिभ हुने पत्रकारहरूको संख्या १० पुगेको छ । यस अघि ६ जना पत्रकारहरुमा कोरोना संक्रमण पुस्टी भएको थियो ।
मंगलवार प्राप्त प्रतिवेदन अनुसार ४ जना कोरोना संक्रममित पत्रकारहरू थपिएका हुन् ।
यसरी कोरोना पोजेटिभ हुने पत्रकारहरुमा पत्रकार महासंघ रामेछापका पदाधिकारी १ जना, प्रदेश परिषद सदस्य १ जना महासंघकी महिला सदस्य १ जना र रेडियो रामेछापका पत्रकार १ जना रहनु भएको छ ।
उहाहरुमध्ये कोहिको महासंघको आइसोलेशन कक्षमा र कोहिको होम आइसोलेशनमा उपचार भैरहेको छ ।