रामेछाप,३० बैशाख । नेपाल पत्रकार महासंघ बागमती प्रदेश समितिले कोरोना प्रभाबित सञ्चारकर्मीहरुको उपचार तथा सहयोगकालागि कोभिड बिपद ब्यवस्थापन कोष स्थापना गरेको छ ।
बिहिवार सम्पन्न महासंको भर्चुअल (जुम) बैठकले उक्त कोष स्थापना गर्ने निर्णय गरेको हो । महासंघले कोषमा हाल २,५०,०००।– रकम जम्मा गरेको र उक्त कोषमा सहायेग गर्न इच्छुक सञ्चारकर्मी,सञ्चारउद्यमी, सञ्चारगृह, सरकारी तथा गैह्र सरकारी निकाय, उद्योगी÷ब्यवसायी तथा अन्य शुभेच्छुकहरुलाई नेपाल पत्रकार महासंघ बागमती प्रदेश समितिको राष्ट्रिय बाणिज्य बैंक हेटौंडा शाखामा रहेको (नेपाल पत्रकार महासंघ ३ नम्बर प्रदेश समितिको) खाता नम्बर–१३००००३६६१०१ मा रकम जम्मा गरिदिन वा पत्रकार महासंघ बागमती प्रदेश समितिका पदाधिकारीहरुलाई सम्पर्क गरी सहयोग गरिदिन समेत अनुरोध गरेको छ ।
पत्रकारहरुले अग्रभागमा रहेर समाचार संकलन गर्नुपर्ने बाध्यता भएकाले पूर्ण स्वास्थ्य सकतर्कता अपनाएर मात्र आफ्नो कार्यगर्न पनि सञ्चारकर्मीहरुलाई महासंघले अनुरोध गरेको छ । भने कोरोना संक्रमित भई स्वास्थ्य उपचार गराइ रहनुभएका विभिन्न जिल्लाका सञ्चारकर्मीहरु सहित सबै नागरिकको स्वास्थ्यलाभको कामना समतेत बैठकले गरको छ ।
संघीय राजधानी समेत रहेको बागमती प्रदेशको बिभिन्न स्वास्थ्य संस्थाहरुमा पर्याप्त स्वास्थ्यकर्मी, अक्सिजन सहित अन्य स्वास्थ्य सामग्रीको अभावले कोरोना संक्रमितहरुको उपचारमा समस्या भएको गु्नासो बढिरहेको वर्तमान सन्दर्भमा बागमती प्रदेश सरकारलाई तत्काल जिल्ला जिल्लामा रहेका स्वास्थ्य संस्था,स्वास्थ्यकर्मी तथा स्वास्थ्य सामाग्रीहरुको उचित ब्यवस्थापनको लागि ध्यानाकर्षण गराउने समेत निर्णय भएको छ ।
यो बारेमा तपाईको प्रतिकृया