रामेछाप, २ जेठ । गोकुलगंगा गाउँपालिकाका समाजसेवी नानीबाबु बस्नेतले गोकुलगंगा गाउँपालिकामा रहेको अस्पताललाई अक्सिजन सहितको सिलिण्डरहरु सहयोग गर्नु भएको छ ।
काग्रेसका नेता समेत रहनुभएका बस्नेतले १४ थान अक्सिजन सहितको सिलिण्डर गोकुलगंगा अस्पताललाई सहयोग गर्नु भएको हो ।
बिश्वमा फैलिएको भेरियन्ट सहितको कोरोना भाइरस (कोभिड–१९) का कारण हजारौ मानिसले समयमा अक्सिजन नपाउँदा ज्यान गुमाउनु परेको वर्तमान अबस्थालाई मध्यनजर गर्दै आफ्नो पालिकाका नागरिकहरुले अक्सीजनको अभावमा ज्यान गुमाउन नपरोस भन्ने उद्देश्यका साथ आफुले यस्तो सहयोग गरेको समाजसेवी बस्नेतले बताउनुभयो ।
बस्नेत नेपाली काँग्रेंसको तर्फबाट यस अघिको स्थानीय निर्वाचनमा गाउँपालिका अध्यक्षको उमेद्वार भई उप विजेता समेत बन्नु भएको थियो ।
गाउँपालिकाका प्रमुख प्रशासकिय अधिकृत इश्वरी सुबेदीले अक्सिजन सिलिण्डर बुझ्दै गोकुलगंगा अस्पताललाई जिम्मा लगाउनु भएको थियो । मुलुकभर अहिले अक्सिजन अभाबमा मानिसले अकालमा ज्यान गुमाईरहेको अबस्थामा गाउँपालिकालाई अक्सिजन उपलब्ध गराएर स्थानीय सरकारलाई सहयोग गरेको प्रति गाँउपालिकाका प्रमुख प्रशासकिय अधिकृत इश्वरी प्रसाद सुवेदीले समाजसेवी बस्नेतलाई धन्यवाद दिदै मुक्त कण्ठले प्रसंशा गर्नुभयो । उहाँले यो जटिल अवस्थामा हरेक सहयोगी मनहरुले अस्पतालका लागि यसैगरी सहयोग गर्न अनुरोध गर्नुभयो । उहाले पालिकाका सबै नागरिकहरुलाई सुरक्षित रहन र एक अर्का संग भेट घाट नगर्न, अत्यावश्यक काममा वाहेक वाहिर नसिसकन र निस्कनै परे माक्स र सेनिटाइजर अनिवार्य प्रयोग गर्न समेत आग्रह गर्नुभएको छ ।
यो बारेमा तपाईको प्रतिकृया