रामेछाप,८ जेठ । बिश्व ब्यापीरुपमा फैलिरहेको नयाँ भेरियन्ट सहितको कोरोना भाइरस जिल्लामा अझ बढि फैलन नदिन जिल्ला प्रशासन कार्यलय रामेछापले यहि जेठ ९ गते आइतवार राती १२ बजेदेखि १९ गते बुधबार राति १२ बजे सम्मका लागि (१० दिन) रामेछाप जिल्लाभर निषेधाज्ञा थप गरेको छ ।
शनिवार बसेको जिल्ला स्तरीय कोभिड–१९ संकट व्यस्थापन केन्द्र र जिल्ला सुरक्षा समिति रामेछापको बैठकले सो निर्णय गरेको हो । विश्वव्यापी महामारीको रुपमा फैलिरहेको नयाँ भेरियन्ट सहितको कोभिड–१९ को संक्रमण नेपालमा तिव्ररुपमा बढिरहेको र जिल्लामा समेत कोभिड–१९ को संक्रमण बढ्दै गएकोले जनस्वास्थ्यमा गम्भिर असर पर्न सक्ने भन्दै जिल्ला प्रशासन कार्यालय रामेछापले अत्यावश्यक पसलहरु पनि विहान ६ देखि ८ वजेसम्म मात्र खोल्न दिने भएको छ । उक्त अबधिमा विवाह ब्रतबन्ध जस्ता सस्कारहरुको हकमा भने ८ जना सम्म जम्मा भएर सानो गाडि प्रयोग गर्न पाउने ब्यवस्था गरेको छ ।
हाल जिल्लामा ४ जनाको कोरोना संक्रमण बाट ज्यान गइसकेको छ भने ६ सय १२ जना कोरोना सक्रमित मध्ये ३ सय ९७ जना अझै जिल्लामा सक्रिय संक्रमित रहेको जिल्ला स्वास्थ्य कार्यालय रामेछापले जनाएको छ
यो बारेमा तपाईको प्रतिकृया