रामेछाप, ९ जेठ । नेपाली काँग्रेस रामेछाप—काठमाण्डौं सम्पर्क समितिले जिल्लाको खाँडादेवी गाउँपालिकाका बिभिन्न स्वास्थ्य संस्थाहरुमा स्वास्थ्य सामाग्री वितरण गरेको छ ।
बिश्वब्यापी महामारीका रुपमा फैंलदै गएको न्यू भेरियन्ट सहितको कोरोना भाइरसले मुलुकलाई तहस नहस पारिरहेको वर्तमान अबस्थामा पालिकामा रहेका स्वास्थ्य संस्थाहरुले उक्त रोग न्यूनिकरणका लागि सहयोग पु¥याउन भन्ने उदेश्यले उक्त सामाग्रीहरु बितरण गरिएको हो ।
समितिले नर्मल वेड सिट, मास्क, सेनिटाइजर, सिटामोल, थर्मोमिटर,अक्सोमिटर, भिटामिन सि,फेससिल,मल्टि भिटामिन लगायतका स्वास्थ्य सामाग्रीहरु हस्तान्तरण गरेको समितिका सभापति राजनारायण श्रेष्ठले जानकारी दिनुभयो ।
समितिको केहिदिन अघि सम्पन्न भर्चुअल (जुम) बैठकले खाँडादेवी गाउँपालिकाको वडा नं ३ को भीरपानी तथा वडा नं ४ र ५ को पकरवासका स्वास्थ्य संस्थाहरुमा उक्त सामाग्री हस्तान्तरण गरिएको थियो ।
यसरी स्वास्थ्य सामग्री हस्तान्तरण गरिएका स्वास्थ्य केन्द्रहरुमा पकरबास स्वास्थ्य चौकी, खाँडादेवी आधारभुत स्वास्थ्य चौकी, भिमसेनस्थान स्वास्थ्य चौकी, खाँडादेवी स्वास्थ्य इकाइ सान्ने, प्रस्तावित लाप्का सामुदायिक स्वास्थ्य इकाइ भिरपानी,सामुदायिक स्वास्थ्य इकाइ भिरपानी र आपचौर स्वास्थ्य चौकी भिरपानी रहेको नेपाली काँग्रेस रामेछापका आमन्त्रित सदस्य रामकृष्ण ढुंगेलले बताउनु भयो ।
स्वास्थ्य सामाग्री वितरणका लागि सम्पर्क समितिका सभापति राजनारायण श्रेष्ठ, नेपाली काँग्रेसका आमन्त्रित सदस्य रामकृष्ण ढुंगेल, प्रदेश कोषाध्यक्ष राजेश श्रेष्ठ, नेपाली काँग्रेसका युवा नेता सूर्य श्रेष्ठ,नेपाली काँग्रेसका प्रदेश समिति सदस्य बिराज श्रेष्ठ, नेपाल तरुण दलका क्षेत्रिय उपाध्यक्ष सुजन ढुंगेल, नेपाल विद्यार्थी संघ रामेछाप काठमाण्डौं सम्पर्क समितिका अध्यक्ष विष्णु श्रेष्ठ, काँग्रेस नेता बालकृष्ण थापा लगायतका नेताहरुले आर्थिक सहयोग गर्नुभएको प्रदेश ख का कोषाध्यक्ष राजेश श्रेष्ठले जानकारी दिनुभयो ।
यो बारेमा तपाईको प्रतिकृया