प्रजिअ र डिएसपीको माक्स खै ……?

रामेछाप,२५ साउन । रामेछापका प्रमुख जिल्ला अधिकारी र प्रहरी नायव उपरीक्षकले तपाईको माक्स खै अभियान सुरु गर्नु भएको छ ।

कोेरोना महामारीबाट आफुपनि बचौ र अरुलाई पनि बचाऔ भन्ने मूल नाराका साथ जिल्ला प्रशासन कार्यालय र जिल्ला प्रहरी कार्यालय रामेछापले संयुक्त रुपमा तपाइको माक्स खै अभियान सुरु गरेको हो ।
सोमवार कार्यालय समय सकिएपछि आफ्ना केहि कर्मचारी र सुरक्षाकर्मी सहित प्रजिअ र डिएसपी हातमा माक्स लिएर मन्थली बजारमा निस्कनुभएको थियो ।
कोरोनाको महामारी फैलिइरहेको बेला तपाइको माक्स खै अभियान सञ्चालन गर्न उहाँहरु मन्थली बजारमा ब्यानार सहित निस्कनुभएको थियो । उहाहरुले कोरोना भाइरको महामारीवाट आफु पनि बचौ र अरुलाई पनि बचाऔं भन्ने सन्देशमुलक ब्यानर लिएर अभियानका रुपमा माक्स नलाई बसेका मन्थली वजारका ब्यवसायी, सवारी चालक र सर्वसाधारण नागरिकलाई माक्स वितरण गदै मन्थली बजार परिक्रमा गर्नु भएको थियो ।
बढदै गएको कोभिड–१९, कोराना भाइसरको महामारीमा जनस्वास्थ्यका मापदण्ड अपनाएर मात्र हिडडुल गर्ने,सामान खरिद गर्ने, यात्रा गर्ने र सवारी साधन चलाउने गर्नु पर्छ भन्ने सकरात्मक सन्देस दिनका लगि आफुले यो अभियान सुरु गरेको जिल्ला प्रशासन कार्यालय रामेछापका प्रमुख जिल्ला अधिकारी गौलोचन सैंजुले बताउनुभयो ।
कोेरोना महामारीबाट आफु बच्नु र अरुलाई पनि बचाउनु हामी सबैको कर्तब्य हो भनि आफुहरुले यो अभियान सुरु गरेको प्रहरी नायव उपरीक्षक नवराज ढुंगानाले बताउनुभयो ।